ராஜஸ்தான் ஐ.பி.எல்லில் இருந்து வெளியே ஜாவ்…கொல்கத்தா நான்காவது இடத்திற்கு உள்ளே ஆவ்….

கம்மின்ஸின் சிறப்பான பந்து வீச்சால் ராஜஸ்தான் அணிக்கு எதிரான போட்டியில் கொல்கத்தா அணி 60 ரன்கள் வித்தியாசத்தில் வெற்றி பெற்றது.

கொல்கத்தா நைட் ரைடர்ஸ் அணிக்கு எதிரான இன்றைய ஐ.பி.எல் ஆட்டத்தில் டாஸ் வென்ற ராஜஸ்தான் ராயல்ஸ் அணி பந்து வீச்சை தேர்வு செய்தது.அதனை தொடர்ந்து களமிறங்கிய கொல்கத்தா அணியில் மோர்கனின் அதிரடி அரை சதத்தால் ராஜஸ்தான் ராயல்ஸ் அணிக்கு 192 ரன்கள் இலக்காக வழங்கியது.

193 ரன்கள் என்ற இலக்குடன் ராஜஸ்தான் அணியில் தொடக்க வீரர்களாக பென் ஸ்டோக்ஸ் மற்றும் ராபின் உத்தப்பா உள்ளே வந்தனர்.கம்மின்ஸ் வீசிய முதல் ஓவரில் முதல் பந்தே உத்தப்பா சிக்ஸர் அடித்து அவுட் ஆனார்.அந்த ஓவரில் ஸ்டோக்ஸ் 2 பௌண்டரி,ஒரு சிக்ஸர் அடிக்க ராஜஸ்தான் அணியின் தொடக்கம் சிறப்பாக அமைந்தது.3 வது வீசிய கம்மின்ஸ் பந்தில் ஸ்டோக்ஸ் மற்றும் கேப்டன் ஸ்மித் அவுட் ஆகி வெளியேற,மாவி வீசிய 4 வது ஓவரில் பெரிதும் எதிர்பார்க்கப்பட்ட சஞ்சு சாம்சன் 1 ரன்களில் நடையைக்கட்டினார்.

அடுத்து வந்த ரியான் பராக் ரன்கள் எதுவுமின்றி தினேஷ் கார்த்திக்கிடம் கேட்ச் கொடுத்து அவுட் ஆக,பட்லர் மற்றும் திவாதியா ஓரளவு நிதான ஆட்டத்தை வெளிப்படுத்தினர்.அடித்து ஆடிய பட்லர்(35 ரன்கள்,22 பந்துகள்) வருண் சக்கரவர்த்தி வீசிய 11 வது ஓவரில் கம்மின்ஸிடம் கேட்ச் கொடுத்து அவுட் ஆனார்.13 ஓவர் முடிவில் ராஜஸ்தான் ராயல்ஸ் அணி 6 விக்கெட் இழப்பிற்கு 96 ரன்களுடன் தடுமாறியது.ராஜஸ்தான் அணியில் நம்பிக்கை நட்சத்திரம் திவாதியா(31 ரன்கள்,27 பந்துகள்) வருண் பந்தில் தினேஷ் கார்த்திக்கிடம் கேட்ச் கொடுக்க,நரேன் வீசிய 17 வது ஓவரில் ஸ்ரேயஸ் கோபால் தன் பங்கிற்கு ஒரு பௌண்டரி அடித்து அசத்தினார்.ஆர்ச்சர் அடித்து ஆட முயற்சித்து நாகர்கோட்டி வீசிய 18 வது ஓவரில் மாவியிடம் கேட்ச் கொடுத்து அவுட் ஆக,18 ஓவர் முடிவில் ராஜஸ்தான் அணி 8 விக்கெட் இழப்பிற்கு 127 ரன்கள் மட்டுமே எடுத்து இருந்தது.அடுத்த ஓவர் போட்டு மாவி தியாகியின் விக்கெட்டையும் தூக்க,கடைசி ஓவர் வீசிய நாகர்கோட்டி அந்த ஓவரில் 2 ரன்கள் மட்டுமே விட்டுக்கொடுக்க,கொல்கத்தா அணி 60 ரன்கள் வித்தியாசத்தில் வெற்றி பெற்றது.

கொல்கத்தா அணியின் வெற்றிக்கு முக்கிய காரணமாய் இருந்த பேட் கம்மின்ஸுக்கு ஆட்ட நாயகன் விருது வழங்கப்பட்டது.