பிரபல ரவுடியின் மகன் ஓடஓட வெட்டிக்கொலை: கொருக்குப்பேட்டையில் பரபரப்பு

கொருக்குப்பேட்டையில் பிரபல ரவுடியின் மகனை மர்ம கும்பல் ஓடஓட விரட்டி வெட்டிக்கொலை செய்த சம்பவம் அப்பகுதியில் பெரும் பரபரப்பை ஏற்படுத்தியது.

கொருக்குபேட்டை அம்பேத்கர் நகரை சேர்ந்தவர் பிரபல ரவுடி விஜயன். இவருடைய மகன் பாலு. இவர் ஆட்டோ ஓட்டி வருகிறார். இவர் மீது பல கொலை முயற்சி வழக்கு, அடிதடி வழக்கு என பல்வேறு வழக்குகள் இவர் மீது போடப்பட்டு இருக்கின்றது. இவர் நேற்று இரவு அவர் வீட்டின் அருகில் நின்று கொண்டு இருந்திருக்கின்றார். அப்போது ஐந்து பேர் கொண்ட கும்பல் அவரை நோக்கி வந்துள்ளனர். இதை பார்த்த பாலு அங்கிருந்து தப்பி ஓடினார். அப்போது, அந்த கும்பல் அவரை விடாமல் ஓடஓட விரட்டி சென்று தலையில் சரமாரியாக வெட்டியது.

பாலு தான் தாக்கப்பட்ட சம்பவ இடத்திலேயே ரத்தம் சொட்ட துடிதுடித்து இறந்துவிட்டார். அவரை வெட்டியவர்களும் அங்கிருந்து ஓட்டம் பிடித்தனர். பின்னர் தகவலறிந்த ஆர்.கே.நகர் போலீசார் சம்பவ இடத்திற்கு சென்று பாலுவின் உடலை கைப்பற்றி பிரேத பரிசோதனைக்காக ஸ்டான்லி அரசு மருத்துவமனைக்கு அனுப்பி வைத்தனர். அதனை தொடர்ந்து நடத்தப்பட்ட விசாரணையில் அதே பகுதியை சேர்ந்த தென்னரசு, இளவரசு ஆகியோர் தலைமையில் வந்த கும்பல் இந்த கொலை யை செய்ததாக கூறப்படுகிறது.

இதுகுறித்து, போலீசார் வழக்கு பதிவு செய்து தப்பி ஓடிய கும்பலை தேடி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.