10, 11, 12ம் வகுப்புகள் பொதுத்தேர்வு நடைபெறுமா?அமைச்சர் செங்கோட்டையன் பேட்டி

10, 11 மற்றும் 12ம் வகுப்புகள் பொதுத்தேர்வுகள் நடப்பாண்டு நடைபெறுமா? என்று அமைச்சர் செங்கோட்டையன் பதிலளித்துள்ளார்.

ஈரோடு, கோபிச்செட்டிபாளையத்தில் பல்வேறு வளர்ச்சித் திட்டப் பணிகளை தொடங்கி வைத்த பின்னர், பள்ளிக் கல்வித்துறை அமைச்சர் செங்கோட்டையன் இன்று நிருபர்களுக்கு பேட்டி அளித்தார். அப்போது, அவர் கூறியதாவது:-
ஆய்வு
கொரோனா காலத்தில் பள்ளிகள் திறக்கப்படாத சூழல் நிலவுகிறது. இந்த நிலையில் குறிப்பிட்ட காலக் கெடுவுக்குள் மாணவர்களுக்கு எவ்வாறு பாடத்திட்டத்தை முடிப்பது என்பது குறித்து ஆய்வு நடைபெற்று வருகிறது.

பொதுத்தேர்வுகள் நடக்குமா?
10, 11, 12-ம் வகுப்புப் பொதுத் தேர்வுகளை ஒத்தி வைக்கலாமா? அல்லது கடந்த ஆண்டைப் போல அனைத்து மாணவர்களுக்கும் தேர்ச்சி வழங்கலாமா? என்பது குறித்து ஆலோசனை மேற்கொள்ளப்பட்டு வருகிறது. பொதுத்தேர்வு நடத்துவது குறித்த முடிவுகள் டிசம்பர் மாத இறுதிக்குள் எடுக்கப்படும்..
இவ்வாறு அவர் கூறினார்.