மாற்றுத்திறனாளி 3 சக்கர சைக்கிள் மூலம் ஆன்லைன் உணவு டெலிவரி : வைரல் புகைப்படம்

மாற்றுத்திறனாளி 3 சக்கர சைக்கிள் மூலம் ஆன்லைன் உணவு டெலிவரி செய்யும் புகைப்படம் வைரலாகி வருகிறது.

உத்திர பிரதேசத்தின் ஐ.ஏ.எஸ் அதிகாரியான அவனிஸ் சரண் அவாஸ்தி டிவிட்டரில் ஒரு படத்தை வெளியிட்டுள்ளார். ஒரு மாற்றுதிறனாளி வாகன நெரிசலுக்கு நடுவே தனது வாகனத்தில் பிரபல உணவு வழங்கும் நிறுவனமான ஸ்விக்கி நிறுவனத்தின் ஆடையை அணிந்துள்ளார். அவருக்கு பின்னால் அவரது வாகனத்தில் சுவிக்கி நிறுவனத்தின் அடையாளம் பொதித்த பை ஒன்று உள்ளது. ஸ்விக்கி நிறுவனத்தில் டெலிவரி பாயாக வேலை செய்கிறார்.

அவனிஸ் சரண் அதை புகைப்படமெடுத்து தனது டிவிட்டர் பக்கத்தில் போட்டு “நீங்கள் உங்கள் வாழ்க்கை மிகவும் கடினமானதாக உணரும் போது இதை பாருங்கள்” என எழுதியுள்ளார். ஒரு சாதரண மனிதனை விடவும் அதிக கடினமான வாழ்க்கையை வாழும் மாற்று திறனாளிகள் கூட அந்த வாழ்க்கையை எளிதாக வாழ கற்றுக்கொண்டனர். அவர்களை விட கடினமான வாழ்க்கையை நாம் வாழவில்லை. இந்த டுவீட் ஆயிரத்திற்கும் அதிகமாக ரீ டுவீட் செய்யப்பட்டுள்ளது 7000 திற்கும் அதிகமான லைக்களை பெற்றுள்ளது.

இந்த டுவீட்டை பார்த்த ஸ்விக்கி நிறுவனமானது “அனைவரையும் உள்ளடக்கிய ஒரு அமைப்பையும் அதில் அனைவருக்கும் சமமான அளவில் வாய்ப்புகளை வழங்குவதையும் நினைத்து நாங்கள் பெருமிதம் கொள்கிறோம். நன்றி” என எழுதியுள்ளது. ”மற்ற நிறுவனங்களும் இதை போலவே வேலைக்கு ஆள் அமர்த்த முன் வர வேண்டும்” என ஒருவர் எழுதியுள்ளார். பலரும் ஸ்விக்கி நிறுவனத்தையும் அந்த மாற்று திறனாளியையும் பாராட்டி வருகின்றனர்.