ரம்யா பாண்டியனுக்கு சிபாரிசு செய்த மம்முட்டி!
விமர்சன ரீதியாக பலராலும் பாராட்டப்பட்ட ஜோக்கர் படத்தின் மூலம் அறிமுகமான ரம்யா பாண்டியன், அதன்பிறகு, ஆண் தேவதை, ராமே ஆண்டாலும் ராவணன் ஆண்டாலும் படங்களில் நடித்தார். என்றாலும் பெரிதாக அவர் திரையுலகில் ஜொலிக்கவில்லை. ஆனால் சமூக வலைதளங்களில் ரம்யா பாண்டியன் மிகவும் பிரபலம்.
அடிக்கடி தனது கவர்ச்சியான புகைப்படங்களை வெளியிட்டு பரபரப்பை ஏற்படுத்தக்கூடியவர். இந்த நிலையில் இவரது படங்களில் இவரது நடிப்பை கவனித்த நடிகர் மம்முட்டி தான் நடிக்கவிருக்கும் புதிய படத்தில் ரம்யா பாண்டியனை நடிக்க வாய்ப்பு வழங்கியுள்ளார்,
மலையாள இயக்குனர் லிஜோ ஜோஸ் பெல்லிசேரி இயக்கும் தமிழ் படமான நண்பகல் நேரத்து மயக்கம் படத்தில் தற்போது மம்முட்டியுடன் நடித்து வருகிறார்.
இது குறித்து ரம்யா பாண்டியன் கூறுகையில், “மம்முட்டி சார் நான் நடித்த ஜோக்கர் படத்தை பார்த்துள்ளார். அதில் எனது நடிப்பு பிடித்துவிடவே என்னை அவரது சொந்த படம் ஒன்றில் நடிக்க வைக்க விரும்பினார். அந்த படம் டிராப் ஆகிவிட்டது. அதனால் அதை மனதில் வைத்து இந்த படத்தில் நான் நடிக்க சிபாரிசு செய்துள்ளார். அதன்பிறகு இயக்குனர் லிஜோ ஜோஸ் பெல்லிசேரியும், அவரது குழுவினரும் ஜோக்கர் படத்தை பார்த்து விட்டு என்னை தேர்வு செய்தனர். முதல் மலையாள படம், படக்குழுவினரும் அறிமுகமில்லாதவர்கள். முதல் இரு நாட்கள் தயக்கத்துடன் இருந்தேன். மம்முட்டி சார்தான் என்னிடம் தமிழில் சரளமாக பேசி எனது தயக்கத்தை போக்கினார். அவர் மிகவும் எளிமையானவர், இனிமையானவர். மிகவும் நகைச்சுவை உணர்வு கொண்டவர். அவரிடமிருந்து நிறைய கற்றுக் கொண்டேன்” எனத் தெரிவித்துள்ளார்.
