காலாண்டுத் தேர்வுத் தேதிகள் அறிவிப்பு

செப்டம்பர் 26ம் தேதி முதல் காலாண்டுத் தேர்வு நடைபெறும் என்று பள்ளிக்கல்வித்துறை அறிவித்துள்ளது.

இதுகுறித்து பள்ளிக்கல்வித்துறை வெளியிட்டுள்ள செய்திக்குறிப்பில் கூறியிருப்பதாவது:

பள்ளிகளில் 1ம் வகுப்பு முதல் 10ம் வகுப்பு வரை பயிலும் மாணவர்களுக்கு செப்டம்பர் 26ம் தேதி முதல் செப்டம்பர் 30ம் தேதி வரை காலாண்டுத் தேர்வுகள் நடைபெறும். 11ம் வகுப்பு, 12ம் வகுப்பு மாணவர்களுக்கு செப்டம்பர் 23 முதல் செப்டம்பர் 30 வரை காலண்டுத் தேர்வுகள் நடைபெறும். அக்டோபர் 1 முதல் அக்டோபர் 5ம் தேதி வரை காந்தி ஜெயந்தி, சரஸ்வதி பூஜை முன்னிட்டு விடுமுறை அளிக்கப்படுகிறது. இவ்வாறு அதில் தெரிவிக்கப்பட்டுள்ளது.