No products in the cart.
உருவாகிறது நடிகை சவுந்தர்யாவின் பயோபிக் படம்!!!
கன்னட நடிகை சவுந்தர்யாவின் பயோபிக் படம் விரைவில் தயாராகவுள்ளதாகத் தெரியவந்துள்ளது.
பெங்களூருவைச் சேர்ந்தவர் நடிகை சவுந்தர்யா. இவர் தெலுங்குப் படம் மூலம் பிரபலமாகி, பின்னர் தமிழுக்கு வந்தார். தாய்மொழி கன்னடம் என்றாலும், அதிகம் நடித்தது தெலுங்கில்தான். அதற்கு அடுத்தபடியாக தமிழில் நடித்திருந்தார். தாய்மொழி கன்னடத்தில் 6 படங்கள் மட்டுமே நடித்துள்ளார். தமிழில் பொன்னுமணி படத்தின் மூலம் அவர் அறிமுகமானார்.
2004-ஆம் ஆண்டு மக்களவைத் தேர்தலில் பா.ஜ.க.வுக்கு ஆதரவாக பிரச்சாரம் செய்யச் சென்றபோது, அவர் விமான விபத்தில் இறந்தார்.
இந்நிலையில் அவரது வாழ்க்கை வரலாற்றை வைத்துப் படம் தயாராகப் போவதாகத் தெரியவந்துள்ளது.
இந்தப் படத்தில் சவுந்தர்யாவாக நடிக்க, நடிகை சாய் பல்லவியிடம் பேசி வருவதாகத் தெரிகிறது. இந்தப் படத்தைத் தயாரிக்கப் போவது யார், இயக்கப் போவது யார் என்ற விவரங்கள் விரைவில் வெளியாகவுள்ளன.
