பழனி பஞ்சாமிர்தத்தை தபால் மூலம் அனுப்ப தமிழக அரசு புதிய திட்டம்…

பழனி தண்டாயுதபாணி கோவில் பஞ்சாமிர்தம் மற்றும் தண்டாயுதபாணி சுவாமியின் ராஜ அலங்கார புகைப்படம் மற்றும் விபூதி ஆகியவற்றை தபால் மூலம் தமிழக அரசு அனுப்ப திட்டமிட்டுள்ளது.

பழனி :

திண்டுக்கல் மாவட்டம் பழனி தண்டாயுதபாணி கோவில் பஞ்சாமிர்தம், சுவாமியின் ராஜ அலங்கார புகைப்படம் மற்றும் விபூதி பிரசாதம் ஆகியவற்றை தபால் மூலம் பக்தர்களின் வீடுகளுக்கு அனுப்பும் முறையை அறிமுகப்படுத்த இந்து அறநிலையத்துறை தமிழக அரசிடம் கோரிக்கை வைக்கப்பட்டது.

இதன் மூலம் பழனி கோவிலுக்கு வருமானம் உயர வாய்ப்புள்ளதாகவும், வெளிமாநிலத்தவர்கள் மற்றும் கோவிலுக்கு நேரில் வர இயலாத சூழ்நிலையில் உள்ள பக்தர்கள் பயனடைவார்கள் என்ற நிலையில், அரை கிலோ டின் பழனி பஞ்சாமிர்தம், தண்டாயுதபாணி சுவாமியின் ராஜ அலங்காரம் அடங்கிய புகைப்படம் மற்றும் 10 கிராம் விபூதி ஆகியவை ரூ.250 கட்டணத்தில் பக்தர்களின் வீடுகளுக்கே செல்லும் நடைமுறைக்கு கொண்டு வர தமிழக அரசு ஆணை பிறப்பித்தது.

Read more – இன்றைய ராசிபலன் 06.02.2021!!!

பிரசாத கட்டணம் ரூ.70 ம் மற்றும் தபால் செலவு ரூ.180 அடங்கும் என்ற விலையில் மேற்கண்ட அனைத்தும் வீடுகளுக்கு வந்தடையும் என்ற தகவலை இந்து அறநிலையத்துறை அமைச்சர் சேவூர் ராமச்சந்திரன் வெளியிட்டுள்ள அறிக்கையில் தெரிவித்துள்ளார்.