செம மாஸாக வெளியான ’தளபதி 66’ தலைப்பு & ஃபர்ஸ்ட் லுக்..!!

செம மாஸாக வெளியான ’தளபதி 66’ தலைப்பு & ஃபர்ஸ்ட் லுக்..!!
thalapathy 66

பீஸ்ட் படத்தின் தோல்விக்கு பிறகு விஜய் நடிப்பில் உருவாகி வரும் தளபதி 66 படத்தின் தலைப்பு மற்றும் முதல் பார்வை போஸ்டரை படக்குழு அதிகாரப்பூர்வமாக அறிவித்துள்ளது.

தமிழ் புத்தாண்டை முன்னிட்டு விஜய் நடிப்பில் வெளியான ‘பீஸ்ட்’ படம் ரசிகர்களிடம் பெரியளவில் வரவேற்பு பெறவில்லை. இதையடுத்து அவர் நடிப்பில் உருவாகி வரும் தளபதி 66 படத்தை தெலுங்கு சினிமா புகழ் வம்சி படிப்பள்ளி இயக்கி வருகிறார்.

இந்த படம் தமிழ் மற்றும் தெலுங்கில் ஒன்றாக தயாராகி வருகிறது. ராஷ்மிகா மந்தனா இந்த படத்தில் கதாநாயகியாக நடிக்கிறார். மேலும் சரத்குமார், பிரகாஷ் ராஜ், பிரபு, குஷ்பு, ஷாம், யோகி பாபு, சங்கீதா, சம்யுக்தா, ஜெயசுதா உள்ளிட்டோர் முக்கிய கதாபாத்திரங்களில் நடித்து வருகின்றனர்.

தில் ராஜூ தயாரிக்கும் இந்த படத்துக்கு தமன் இசையமைக்கிறார். குடும்பப் பின்னணியில் உருவாகும் இந்த படத்தின் முதல் பார்வை போஸ்டர் மற்றும் தலைப்பு தற்போது வெளியிடப்பட்டுள்ளது. அதன்படி தமிழில் இந்த படத்துக்கு ‘வாரிசு’ என்று தலைப்பு வைக்கப்பட்டுள்ளது.

அதேபோல தெலுங்கிலும் இந்த படத்துக்கு ‘வாரிசுடு’ என்று டைட்டில் வைக்கப்பட்டுள்ளது. நாளை விஜய் பிறந்தநாள் என்பதால் அவரது ரசிகர்களுக்கு விருந்தாக அமையும் வகையில் வாரிசு பட தகவல் வெளியாகியுள்ளது. விரைவில் ரிலீஸ் தேதி அறிவிக்கப்படும் என்று எதிர்பார்க்கப்படுகிறது.

author

Related Articles

Leave a Reply

Your email address will not be published. Required fields are marked *