PG சேர இன்று முதல் விண்ணப்பிக்கலாம்

அரசு கலைக் கல்லூரிகளில் முதுகலை படிப்பில் சேர இன்றுமுதல் விண்ணப்பிக்கலாம் என்று அறிவிப்பு வெளியாகியுள்ளது.

அரசுக் கலைக் கல்லூரிகளில் இளங்கலை பட்டப்படிப்புகளில் சேர்வதற்கான விண்ணப்பதிவு நிறைவு பெற்று மாணவர் சேர்க்கையும் நடைபெற்று வருகிறது. இந்த நிலையில் முதுகலை பட்டப்படிப்பில் சேருவதற்கான விண்ணப்பதிவு குறித்த அறிவிப்பை உயர்கல்வித்துறை நேற்று வெளியிட்டிருக்கிறது. அதன்படி, தமிழ்நாட்டில் 109 அரசு கலை மற்றும் அறிவியல் கல்லூரிகளில் காலியாக உள்ள 24,341 இடங்களுக்கு இன்றுமுதல் விண்ணப்பதிவு தொடங்குகிறது. விண்ணப்பிக்க வரும் 16ம் தேதி கடைசிநாளாகும்.

விண்ணப்பதிவு செய்பவர்களில் தகுதியானவர்களுக்கான தரவரிசைப் பட்டியல் அந்தந்த கல்லூரிகள் மூலம் வருகிற 20ம் தேதி வெளியிடப்படும். மாணவர் சேர்க்கை 21ம் தேதி முதல் தொடங்கும். மேலும், இதுகுறித்த விவரங்களை https://tngasapg.in/  என்ற இணையதளத்தில் சென்று தெரிந்து கொள்ளலாம் என அந்த அறிவிப்பில் தெரிவிக்கப்பட்டுள்ளது.