யசோதா திரைப்படத்தின் டீசர் வெளியானது

யசோதா திரைப்படத்தின் டீசர் வெளியாகியுள்ளது.

இயக்குநர்கள் ஹரி, ஹரிஷ் இயக்கத்தில் நடிகை சமந்தா நடிப்பில் உருவாகியுள்ள திரைப்படம் யசோதா. இப்படத்தில் வரலட்சுமி சரத்குமார்,முகுந்தன், ராவ் ரமேஷ், முரளி சர்மா மற்றும் பலர் நடித்துள்ளனர். படத்திற்கு இசை மணிசர்மா. ஒளிப்பதிவு எம்.சுகுமார். த்ரில்லர் கதையம்சம் கொண்ட இந்த திரைப்படத்தில் எழுத்தாளராக சமந்தா நடித்துள்ளார்.

படத்தின் படப்பிடிப்புகள் நிறைவடைந்த நிலையில்  தற்போது போஸ்ட் புரொடக்சன் பணிகள் நடைபெற்று வருகின்றன. இந்த நிலையில் யசோதா படத்தின் டீசர்  தற்போது வெளியாகியுள்ளது. டீசரில், கர்ப்பிணியாக இருக்கும் பெண் என்னவெல்லாம் செய்யக்கூடாது என மருத்துவர் ஆலோசனை வழங்குகிறார். ஆனால், அதற்கு எதிர்மாறாக கர்ப்பிணியாக இருக்கும் யசோதா (சமந்தா) வாழ்வில் அனைத்தும் நடக்கிறது. பெரும் எதிர்பார்ப்பை ஏற்படுத்தியுள்ள இந்த திரைப்படம் பான் இந்தியா படமாக ரிலீசாக உள்ளது.