பீச்சுக்குப் போறீங்களா? கவனம் மக்களே!

பீச்சுக்குப் போறீங்களா? கவனம் மக்களே!

சென்னை: விடுமுறை நாளையொட்டி சென்னை மற்றும் காஞ்சிபுரம் மாவட்ட கடற்கரைகளுக்குச் செல்லத் திட்டமிட்டுள்ள பொதுமக்கள் எச்சரிக்கையுடன் இருக்குமாறு அறிவுறுத்தப்பட்டுள்ளனர். குறிப்பிட்ட கடலோரப் பகுதிகளில் இன்று மாலை 7 மணி வரை வேகமான கடல் நீரோட்டம் காணப்பட வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

எந்தெந்த பகுதிகளில் எச்சரிக்கை?

சென்னை மாவட்டத்தில் பாலவாக்கம் முதல் லட்சுமிபுரம் ஓடைக்குப்பம் வரையிலான கடற்பகுதியில், கடல் மேற்பரப்பு நீரோட்டத்தின் வேகம் வினாடிக்கு 1.5 மீட்டர் வரை இருக்கக்கூடும் என்று கணிக்கப்பட்டுள்ளது.

காஞ்சிபுரம் மாவட்டத்தில் ஆலம்பரைக்குப்பம் முதல் சின்ன நீலாங்கரை வரையிலான கடற்பகுதியில், வினாடிக்கு 1.4 முதல் 1.5 மீட்டர் வேகத்தில் நீரோட்டம் இருக்கலாம் எனத் தெரிவிக்கப்பட்டுள்ளது.

மாலை 7 மணி வரை கவனம்

இந்தக் கடல் நீரோட்ட எச்சரிக்கை இன்று மாலை 7 மணி வரை அமலில் இருக்கும். துறைமுக மற்றும் கடல்சார் நடவடிக்கைகளில் ஈடுபடுவோர் மிகுந்த கவனத்துடன் செயல்படுமாறு வானிலை ஆய்வு மையம் அறிவுறுத்தியுள்ளது.

வடதமிழகக் கடலோரப் பகுதிகளில் ஆங்காங்கே மழை அல்லது இடியுடன் கூடிய மழை பெய்யக்கூடும். மழை நேரத்தில் கடற்பகுதியில் பார்வைத்திறன் குறைய வாய்ப்புள்ளதாகவும் தெரிவிக்கப்பட்டுள்ளது. எனவே கடற்கரைக்கு வருபவர்கள் உள்ளூர் நிர்வாகம் மற்றும் காவல்துறையினரின் அறிவுறுத்தல்களைப் பின்பற்றுவது அவசியம்.

அதேவேளையில், தமிழகத் துறைமுகங்களில் புயல் எச்சரிக்கைக் கூண்டு ஏதும் ஏற்றப்படவில்லை. வடதமிழகக் கடல் பொதுவாக அமைதியாகவோ லேசான அலைகளுடனோ காணப்படும் என்றும் அறிக்கையில் குறிப்பிடப்பட்டுள்ளது.

Related Articles

Leave a Reply

Your email address will not be published. Required fields are marked *