இந்தியாவில் அறிமுகம் செய்யப்பட்டுள்ள, நிசான் மேக்னைட் கார் மாடலின் விலை விவரங்கள்
இந்தியாவில் அறிமுகம் செய்யப்பட்டுள்ள நிசான் மேக்னைட் சப்-காம்பேக்ட் எஸ்யுவி மாடல் காரின், விலை விவரங்கள் வெளியாகியுள்ளன.
நிசான் நிறுவன வாடிக்கையாளர்களால் பெரிதும் எதிர்பார்க்கப்பட்ட, மேக்னைட் மாடல் ஒருவழியாக இந்திய சந்தையில் வெளியிடப்பட்ட்டுள்ளது.
இந்த காரின் வெளிப்புறம் எல்இடி முகப்பு மற்றும் பின்புற விளக்குகள், பெரிய கிரில், குரோம் இன்சர்ட்கள், டூயல் டோன் அலாய் வீல்கள், வீல் ஆர்ச்கள், இருபுறங்களில் ஸ்கிட் பிளேட்கள், சில்வர் ரூப் ரெயில்கள் போன்றவை வழங்கப்படுகின்றன.
உட்புறம் 8 அங்குல தொடுதிரை வசதி கொண்ட இன்போடெயின்மென்ட் ஸ்கிரீன், நிசான் கனெக்ட்,
வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, வயர்லெஸ் சார்ஜிங், ஸ்டீரிங் மவுண்ட் கண்ட்ரோல், குரூயிஸ் கண்ட்ரோல் மற்றும் என்ஜின் ஸ்டார்ட் – ஸ்டாப் பட்டன் போன்ற வசதிகள் வழங்கப்பட்டுள்ளன.
நிசான் மேக்னைட் மாடலில் 1.0 லிட்டர் 3 சிலிண்டர் டர்போ பெட்ரோல் என்ஜின் வழங்கப்படுகிறது. இத்துடன் எக்ஸ்டிரானிக் சிவிடி ஆட்டோமேடிக் டிரான்ஸ்மிஷனும் வழங்கப்பட்டுள்ளது. இந்த என்ஜின் செயல்திறன் தொடர்பான விவரங்கள் இதுவரை வெளியிடப்படவில்லை.
இந்நிலையில், இந்தியாவில் புதிய சப்-காம்பேக்ட் எஸ்யுவி மாடல் விலை ரூ. 4.99 லட்சம் எனவும், டாப் எண்ட் மாடலின் விலை ரூ. 9.35 லட்சம் எனவும் நிர்ணயிக்கப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது. எனினும், இவை அறிமுக விலை தான் என்றும், டிசம்பர் 31, 2020 ஆம் தேதிக்கு பின் இந்த விலை மாற்றப்படும் எனவும் தெரிவிக்கப்பட்டுள்ளது.
