By கோவாவில் அடுத்த ஆண்டு நடைபெறவுள்ள இந்திய சர்வதேச திரைப்பட விழாவில் “அசுரன்” திரைப்படம் தேர்வாகியுள்ளது.
கோவா:
கோவாவில் ஆண்டுதோறும் நவம்பர் மாதங்களில் இந்திய சர்வதேச திரைப்பட விழா நடைபெறும்.கொரோனா தொற்று பரவல் காரணமாக இந்த ஆண்டு நடைபெற இருந்த திரைப்பட விழா அடுத்த ஆண்டு(2021) ஜனவரி மாதம் 16 ம் தேதி முதல் 24 ம் தேதி வரை நடைபெற இருக்கிறது.
இந்தநிலையில்,இயக்குனர் வெற்றிமாறன் இயக்கத்தில்,தனுஷ் நடித்து மாபெரும் வெற்றிபெற்ற அசுரன் படம் இந்திய சர்வதேச திரைப்பட விழாவிற்கு தேர்வாகியுள்ளது.எளிய மக்களின் வாழ்க்கை கதையை கொண்டு அனைத்து தரப்பு மக்களையும் தன் பக்கம் கவனம் ஈர்த்த இந்த அசுரன் திரைப்படம்,,வசூல் ரீதியாகவும் மிக பெரிய வெற்றி பெற்றது.தனுஷ் இதுவரை நடித்த சிறந்த திரைப்படங்களில் இந்த திரைப்படமும் முக்கிய இடத்தை பிடித்துள்ளது என்பது குறிப்பிடத்தக்கது.
மேலும்,இந்திய சர்வதேச திரைப்பட விழாவில் “அசுரன்” படத்தை தொடர்ந்து,தமிழில் வெளிவராத “தேன்”என்ற திரைப்படமும் இடம் பெற்றுள்ளது.இப்படத்தை கணேஷ் விநாயகன் என்ற இயக்குனர் இயக்கியுள்ளார்.
