அடேங்கப்பா பிக்பாஸ் வீட்டில் இத்தனை மாற்றங்களா? ஜிம் முதல் போன் வரை புதிய வசதிகள் !

பிக்பாஸ் வீட்டில் இத்தனை சீசன்களில் இல்லாத அளவு நிறைய புதிய மாற்றங்கள் ஏற்படுத்தப்பட்டிருக்கின்றன.

பிக்பாஸ் நான்காவது சீசன் இன்று முதல் தொடங்கப்படுகிறது. முதன்முதலில் உலக நாயகன் கமல்ஹாசன் பிக்பாஸ் வீட்டினுள் சென்று அங்கு அமைக்கப்பட்டிருக்கும் புதிய ஏற்பாடுகளை மக்களிடையே விவரித்தார்.

அவை பின்வருமாறு:

1.பிக்பாஸில் இதுவரை மனித தொடர்புகளே இல்லாமல் போட்டியாளர்கள் வீட்டினுள் இருந்தனர். தற்போது உள்ளே தொலைபேசி அமைக்கப்பட்டுள்ளது. இன்கம்மிங் கால்கள் மட்டுமே அனுமதிக்கப்பட்டுள்ள இந்த தொலைபேசி எதற்காக என இனி தான் தெரியும்.

2.மற்ற சீசன்களில் ஆண்கள் பெண்கள் படுக்கை அறைக்கு பொதுவான கதவு தான் இருக்கும். தற்போது இரண்டு படுக்கை அறைகளுக்கு நடுவே கதவுகள் அமைக்கப்பட்டு பூட்டப்பட்டிருக்கிறது.

3.கழிவறைகளில் ஒரு அறையும் பூட்டப்பட்டிருக்கிறது, இதற்கான காரணம் இன்னும் தெரிவிக்கப்படவில்லை.

4.பிக்பாஸ் வீட்டில் இந்த முறை உடற்பயிற்சி கூடமும் அமைக்கப்பட்டுள்ளது.

5.பிக்பாஸ் இரண்டாம் சீசனில் இருந்து தவறு செய்பவர்களுக்கு தண்டனை கொடுக்கும் விதமாக சிறை அமைக்கப்பட்டது. இந்த முறை இது கம்பிகள் இல்லாமல் கண்ணாடிகளால் அமைக்கப்பட்டுள்ளது.

6.கடந்த சீசனிலேயே நீச்சல் குளத்தில் தண்ணீர் நிரப்பப்படவில்லை. இந்த சீசனில் நீச்சல் குளம் முற்றிலும் வலைகளால் மூடப்பட்டுள்ளது. போன சீசனில் சாண்டி மாஸ்டர் நீச்சல் குளத்தில் விழுந்து அவருக்கு அடிப்பட்டது கூட காரணமாக இருக்கலாம்.