By காஜல் அகர்வாலின் மெழுகு சிலையுடன் போஸ் கொடுத்த கவுதம் கிட்ச்லு சமூகவலைத்தளங்களில் பரவி வருகிறது.
தமிழ், தெலுங்கு, இந்தி படங்களில் நடித்து வரும் காஜல் அகர்வால் மும்பையை சேர்ந்த தொழில் அதிபரான கவுதம் கிட்ச்லுவை காதலித்து கடந்த அக்டோபர் மாதம் 30ம் தேதி திருமணம் செய்து கொண்டார். மும்பையில் உள்ள ஸ்டார் ஹோட்டல் ஒன்றில் திருமணம் நடந்தது. கொரோனா வைரஸ் பிரச்சனையாக இருப்பதால் திருமணத்தில் இரு வீட்டாரும், நெருங்கிய நண்பர்கள் ஒரு சிலரும் தான் கலந்து கொண்டு மணமக்களை வாழ்த்தினார்கள்.
திருமணத்தை அடுத்து வரவேற்பு நிகழ்ச்சியும் நடந்தது. அப்பொழுது எடுக்கப்பட்ட புகைப்படங்களை பார்த்து ரசிகர்கள் வாழ்த்தினார்கள். சிங்கப்பூரில் இருக்கும் மேடம் டுசாட்ஸ் அருங்காட்சியகத்தில் காஜல் அகர்வாலுக்கு மெழுகுச் சிலை வைக்கப்பட்டது. ஓராண்டுக்கு முன்பு சிலை திறப்பு விழா நடந்தது. கவுதம் கிட்ச்லுவும் காஜலுடன் சிங்கப்பூர் சென்றிருந்தார்.
மெழுகுச் சிலை மற்றும் காஜலுடன் சேர்ந்து கவுதம் கிட்ச்லு புகைப்படம் எடுத்துக் கொண்டார். அந்த புகைப்படத்தை காஜல் தற்போது இன்ஸ்டாகிராமில் போஸ்ட் செய்துள்ளார்.
புகைப்படத்தை பார்த்த ரசிகர்கள் அச்சு அசலா இரண்டு பொண்டாட்டி, ஒருவர் பேசவே மாட்டார், கொடுத்து வைத்தவர் கவுதம் கிட்ச்லு என்று காமெடியாக கமெண்ட் அடித்துள்ளனர். காஜல் அகர்வால் மெகா ஸ்டார் சிரஞ்சீவியின் ஆச்சார்யா தெலுங்கு படத்தில் நடித்து வருகிறார். லாக்டவுனுக்கு முன்பு அவர் ஷங்கர் இயக்கத்தில் கமல் ஹாசனுடன் சேர்ந்து இந்தியன் 2 படத்தில் நடித்தார் என்பது குறிப்பிடத்தக்கது.
