விக்ரம் படத்தின் ‘கிளைமேக்ஸ்’ பாடல் வீடியோ

விக்ரம் படத்தின் கிளைமேக்ஸ் பாடல் வீடியோ வெளியாகி இருக்கிறது.

லோகேஷ் கனகராஜ் இயக்கத்தில் வெளியான விக்ரம் திரைப்படம் மிகப்பெரும் வெற்றி பெற்றது. படம் ₹400 கோடிக்கு மேல் வசூல் செய்த நிலையில் நடிகர் & தயாரிப்பாளரான கமல்ஹாசன் மகிழ்ச்சியோடு இருக்கிறார். இதையடுத்து, அவரின் ராஜ்கமல் பிலிம்ஸ் தயாரிப்பில் சூப்பர் ஸ்டார் ரஜினிகாந்த் நடிக்க உள்ளதாகவும், இப்படம் ₹1,000 கோடிக்கு மேல் வசூல் சாதனை செய்ய வேண்டும் என்றும் இயக்குநர் லோகேஷிடம் கமல் கூறியதாக செய்திகள் வெளியாகின.

இந்த நிலையில், அனிருத் இசையமைத்த விக்ரம் படத்தின் பாடல்கள் ஒவ்வொன்றாக வெளியாகி வருகிறது. தற்போது, ’ ஒன்ஸ் அப்பான் ஏ டைம்’ என்ற விக்ரம் படத்தின் கிளைமேக்ஸ் பாடல் வெளியாகியுள்ளது. இந்த பாடலை ஹைசென்பர்க் என்பவர் எழுதியுள்ளார். இப்படம் 55 நாட்களை கடந்து திரையரங்குகளில் வெற்றிகரமாக ஓடிக்கொண்டிருக்கிறது.

விக்ரம் படத்தின் கிளைமேக்ஸ் பாடல் வீடியோ:

-பா.ஈ.பரசுராமன்.