சர்வதேச படவிழாவில் பாரம்பரியத்தை கடைப்பிடித்த நயன் – விக்னேஷ் ஜோடி

சர்வதேச பட விழாவில் கலந்துகொண்ட நயன்தாரா – விக்னேஷ் சிவன் ஜோடியின் உடையலங்காரம் பலரை ஈர்த்துள்ளது.

தமிழ் திரையுலகில் பிரபலமான ஜோடிகளில் விக்னேஷ் சிவன் மற்றும் நயன்தாரா முக்கியமானவர்கள். அடிக்கடி வெளிநாடு செல்லும் இவர்கள் ஜோடியாக புகைப்படங்களை எடுத்து சமூக வலைதளங்களில் பதிவிடுவது வழக்கம். அந்த படங்களுக்கு ரசிகர்கள் ஏராளம். அந்த வகையில் தற்போது தமிழ் பாரம்பரிய உடையணிந்து அவர்கள் வெளியிட்டுள்ள புகைப்படங்கள் வைரலாகி வருகிறது. விக்னேஷ் சிவன் மற்றும் நயன்தாராவின் தயாரிப்பில் உருவான கூழாங்கல் படம் ரோட்டர் டாம் சர்வதேச திரைப்பட விழாவிற்கு தேர்வு செய்யப்பட்டுள்ளது. 

அந்த விழாவில் கலந்துகொண்ட நயன்தாரா விக்னேஷ் சிவன் ஜோடியின் உடையலங்காரம், ரசிகர்களின் கவனத்தை ஈர்த்து வருகிறது. ஐ.எஃப்.எஃப்.ஆரில் படம் திரையிடலில் கலந்துக் கொண்ட நயன்தாரா விக்னேஷ் சிவனின் படங்கள் பகிரப்பட்டுள்ளன. தயாரிப்பு நிறுவனமான ரவுடி பிக்சர்ஸ் நயன் – விக்னேஷ் படங்களை பகிர்ந்து, ‘எங்கள் திரைப்படமான கூழாங்கல் படத்தின் மிகவும் எதிர்பார்க்கப்பட்ட குழு புகைப்படம்” எனக் குறிப்பிட்டிருந்தது. அதில் நயன்தாரா மஞ்சள் நிற பட்டு சேலையிலும், விக்னேஷ் சிவன் உள்ளிட்ட குழுவினர் வேட்டி சட்டையிலும் காட்சியளிக்கின்றனர்.