தனுஷின் ராசியாய் அமைந்தது ரவுடி பேபி பாடல் .. யூடியூபில் ஈசியாய் வலம் வந்தது 100 கோடி பார்வையாளர்களின் தேடல்…

நடிகர் தனுஷ் நடிப்பில் வெளியான மாரி-2 படத்தின் ரவுடி பேபி பாடல் யூடியூபில் 100 கோடி பார்வையாளர்களை தாண்டி புது சாதனை படைத்து வருகிறது.

நடிகர் தனுஷ் மாரி-2 ரவுடி பேபி பாடல் , யுவன் சங்கர் ராஜா இயக்கத்தில் கடந்த 2018 ல் வெளியானது.

இந்த படத்தில் தனுஷ்க்கு ஜோடியாக பிரேமம் புகழ் சாய் பல்லவி நடித்து இருந்தார். யுவன் சங்கர் ராஜா இந்த படத்திற்கு இசை அமைத்து அனைத்து பாடல்களும் நல்ல வரவேற்பை பெற்று வந்தது.

குறிப்பாக தனுஷ் எழுதி பாடிய ரவுடி பேபி பாடல் இன்று வரை இணையத்தில் தருமாறு லைக்குகளை அள்ளி தெளித்து வருகிறது.

நடன புயல் பிரபு தேவா நடனம் அமைக்க,யுவன் சங்கர் ராஜா இசை அமைக்க,தனுஷ் மற்றும் சாய் பல்லவி நடனத்தில் குத்தாட்டம் போட்டு குழந்தைகளை குதூகலமாக்கினர்.

இன்றும் ஏதோ ஒரு வீடுகளில் குழந்தை ஒழுங்காக உணவு அருந்தவில்லை எனில் அப்பொழுதெல்லாம் குழந்தைகளுக்கு இந்த பாடலாய் யூடியூபில் காட்டி தான் உணவு ஊட்டி வருகின்றனர்.நிலாவை காட்டி சோறு ஊட்டிய காலம் போய்,ரவுடி பேபி பாடலை காட்டி உணவு ஊட்டி வருகின்றனர் அனைத்து தாய்மார்களும்…

அப்படியிருக்கையில் தமிழ்நாடு முழுக்க இந்த பாடல் நடந்து,இந்தியாவையும் கடந்து,உலகம் முழுக்க 100 கோடி பார்வையாளர்களை படர்ந்து ரவுடி பேபி பாடல் புது சாதனை ஒன்றையும் படைத்தது.

மேலும் தென்னிந்தியத் திரையுலகில் ஒரு சினிமா பாடல் 1 பில்லியன் சாதனையைப் படைப்பது இதுவே முதன் முறை.

இதற்கு முன்பு இந்த சாதனையை ஒரு சில இந்திப் பாடல்கள் மட்டுமே பெற்று இருந்தது குறிப்பிடத்தக்கது.

முதலிடத்தில் ‘ஹனுமான் சாலிசா’ என்ற பக்திப் பாடல் 1.3 பில்லியன் பார்வையாளர்களை பெற்றுள்ளது.

இந்திய அளவில் அதிக முறை பார்க்கப்பட்ட பாடல் என்ற வரிசையில் ரவுடி பேபி 5-வது இடத்தில் உள்ளது.

இந்தப் பாடல்களின் சாதனையை விரைவில் அடித்து நொறுக்கி ரவுடி பேபி பாடல் முதலிடத்தைப் பிடிக்கும் என்று எதிர்பார்க்கப்படுகிறது.