By நம்ம வீட்டு பிள்ளை சிவகார்த்திகேயன் நாயகனாக நடித்தது மட்டுமல்ல தனது தயாரிப்பு நிறுவனத்தின் மூலம் வெளியிட்டுள்ள திரைப்படம் டாக்டர் திரைப்படம் அக்டோபர் 9 அன்று தமிழகம் முழுவதும் வெளியானது.
தமிழகத்தில் மட்டும் சுமார் 700க்கும் மேற்பட்ட திரைகளில் வெளியான இந்த படம் முதல்நாள் 7 கோடி ரூபாய் வரை மொத்த வசூல் செய்துள்ளதாக உறுதிப்படுத்தப்படாத தகவல்கள் கூறுகின்றன. 100% இருக்கை நிரம்பினால் மட்டுமே இவ்வளவு பெரிய தொகை டிக்கெட் விற்பனை மூலம் கிடைக்கும் எனும் பட்சத்தில் 50 சதவிகித இருக்கைகளை மட்டுமே நிரப்பி இவ்வளவு பெரிய தொகை கிடைக்கப்பெற்றுள்ளது சிவகார்த்திகேயனுக்கு இருக்கும் ரசிகர் பலத்தை காண்பிக்கிறது.
படத்தை திரையரங்கில் பார்த்துவிட்டுத் திரையுலக பிரபலங்கள் சிவகார்த்திகேயனுக்கு வாழ்த்துகளைத் தெரிவித்து வருகின்றனர் அந்த வகையில் தமிழ் சினிமாவின் பிரமாண்ட இயக்குநர் ஷங்கர் டாக்டர் படத்தை பாராட்டி தனது டிவிட்டர் பக்கத்தில் கருத்து வெளியிட்டுள்ளார்.
பொதுவாகத் தமிழ் படங்களைப் பார்த்துவிட்டு அது பற்றிய கருத்துக்களைப் பொதுவெளியில் கூறும் பழக்கம் ஷங்கருக்கு இல்லை. நடிகர் சிவகார்த்திகேயன் இயக்குநர் ஷங்கரின் தீவிர ரசிகர் அவருக்குப் பிடித்த இயக்குநர் என்று பல்வேறு நிகழ்ச்சிகளில் கூறியிருக்கிறார்.
இந்நிலையில் ஷங்கரின் மனம் திறந்த இந்த பாராட்டு இருவரும் அடுத்த திரைப்படத்தில் இணைவதற்கான முன்னோட்டமாக இருக்குமோ என்ற கேள்வியும் எழுந்துள்ளது.
டாக்டர் படம் குறித்து ட்விட்டர் பக்கத்தில் இயக்குனர் ஷங்கர் தெரிவித்துள்ளதாவது,
இந்த வைரஸ் தொற்றின் காரணமாகப் பலர் கவலையில் இருக்கும் நிலையில் இத்திரைப்படம் ஒரு சிரிப்பு மருந்தாக இருக்கும் எனக் கூறியுள்ளார்.
மேலும் இப்படிப்பட்ட சிறந்த திரைப்படத்தை இயக்கிய இயக்குநர் நெல்சன் திலீப் குமார் அவர்களுக்கும், தன்னுடைய பாராட்டுக்கள் என்று சங்கர் தெரிவித்தது மட்டுமில்லாமல் இவ்வாறு வெளிவந்த இத்திரைப்படத்தை குடும்பத்துடன் பார்த்து மகிழும் வகையில் உருவாக்கிய உள்ளீர்கள்.
அந்தவகையில் இந்த திரைப்படத்தில் இணைந்து பணியாற்றிய சிவகார்த்திகேயன் அனிருத் மற்றும் படக்குழுவினர்கள் அனைவருக்கும் தன்னுடைய வாழ்த்துக்கள் என்று ஷங்கர் தெரிவித்துள்ளார். அதுமட்டுமில்லாமல் வெகு நாள் கழித்து தியேட்டரில் படம் பார்க்க வாய்ப்பு அளித்ததற்கு நன்றி என்றும் இயக்குனர் ஷங்கர் குறிப்பிட்டுள்ளார்.
