பிக்பாஸ் கவினுக்கு திருமணம்?

பிக்பாஸ் மூலமாக புகழ்பெற்ற கவின் விரைவில் திருமணம் செய்ய இருப்பதாகவும் இது காதல் திருமணம் எனவும் தகவல் வெளியாகியுள்ளது.

சின்னத்திரை டூ சினிமா பயணத்தில் குறிப்பிடத்தக்க நடிகர் கவின். ‘சரவணன் மீனாட்சி’, சில ரியாலிட்டி ஷோக்கள் என பிஸியாக இருந்தவர், ‘நட்புனா என்னான்னு தெரியுமா?’ படம் மூலம் ஹீரோவாக சினிமாவுக்குள் நுழைந்தார்.

அதன் பிறகு தமிழில் ‘பிக்பாஸ்-சீசன்3’ நிகழ்ச்சியில் பங்கெடுத்து பலருக்கும் பரிட்சயமானார். உள்ளே சக போட்டியாளர்களுடன் நிறைய பிரச்சனைகள் போனாலும், வெளியில் ரசிகர்களிடையே அவருக்கு நல்ல ஆதரவு இருந்தது. இதற்கு பின்னர், நிகழ்ச்சியில் ஒரு கட்டத்திற்கு மேலே அவராகவே வெளியேறினார் கவின்.

READ ALSO- #28YearsOfBelovedVIJAY தளபதியை ட்ரெண்டாக்கும் ரசிகர்கள்!

‘பிக்பாஸ்’ நிகழ்ச்சிக்கு பிறகு தற்போது ‘லிஃப்ட்’ படத்தில் நடிக்க ஒப்பந்தமாகியுள்ளார். ஒரு நாளில் லிஃப்ட்டிற்குள் நடக்கும் கதைதான் களம். இதில் ‘பிகில்’ பட புகழ் அம்ருதாவும் நடிக்க ஒப்பந்தமாகியுள்ளார். இந்த படத்தின் ஃப்ர்ஸ்ட்லுக் போஸ்டர் வெளியாகி ரசிகர்களிடையே நல்ல வரவேற்பை பெற்றது.

கொரோனா காரணமாக, படப்பிடிப்பு நிறுத்தி வைக்கப்பட்டுள்ள நிலையில் அனுமதிக்கப்பட்டுள்ள போஸ்ட் ப்ரொடக்‌ஷன் பணிகள் மட்டும் தற்போது நடந்திருக்கிறது. அதில், தன்னுடைய போர்ஷனுக்கான டப்பிங் முடித்துவிட்டதாக தனது சோஷியல் மீடியா பக்கத்தில் பதிவிட்டிருந்தார் கவின்.

தற்போது, கவினுக்கு ‘லிஃப்ட்’ பட வெளியீட்டுக்கு பின்பு திருமணம் என தகவல் வெளியாகியுள்ளது. மணப்பெண் சினிமாவில் ஸ்டைலிஸ்ட்டாக பணிபுரிபவர் எனவும், இது காதல் திருமணம் எனவும் விரைவில் இந்த தகவல் குறித்தான உண்மை தன்மை குறித்து கவின் தரப்பில் இருந்து அதிகாரப்பூர்வமான தகவல் வரும் என எதிர்ப்பார்க்கலாம்.