By தொலைவிடங்களில் இருந்து மீட்பு பணிக்கு பயன்படுத்த துணை ராணுவத்தினருக்கு 21 பைக் ஆம்புலன்ஸ் வழங்கப்பட்டு உள்ளது.
புதுடெல்லி:
இந்தியாவில் பாதுகாப்பு தாக்குதல் மற்றும் வன்முறையால் பாதிக்கப்படுகிற பாதுகாப்பு படையினரை சரியான சாலை வசதிகள், வாகன வசதிகள் இல்லாத தொலைதூர பகுதிகளில் இருந்து மீட்டு சிகிச்சைக்கு கொண்டு செல்வதில் தொடர்ந்து சிரமம் ஏற்பட்டு வருகிறது.
இந்த சிரமத்தை போக்கும் வகையிலும், உடனடியாக சிகிச்சை அளிக்கும் வகையிலும் அபிவிருத்தி அமைப்பின் துணை நிறுவனமான அணு மருத்துவம் மற்றும் சார்புடைய அறிவியல் நிறுவனம், ராணுவ ஆராய்ச்சி நிறுவனமும் இணைந்து ரக்ஷிதா ஆம்புலன்ஸ் என்று அழைக்கப்படும் 350 சிசி ராயல் என்பீல்டு கிளாசிக் மோட்டார் சைக்கிள் ஆம்புலன்ஸை வடிவமைத்து உள்ளது.
Read more – 6 ம் வகுப்பு படிக்கும் மகனுக்கு பாடம் புரியவில்லை, கோவத்தில் கொடூரமாய் தீ வைத்த தந்தை ..
சி.ஆர்.பி.எப். என்னும் மத்திய ஆயுதப்படை காவல்துறையினருக்கு 21 பைக் பைக் ஆம்புலன்சுகள் வழங்கப்பட்டுள்ளது. இதுகுறித்து சி.ஆர்.பி.எப் தலைவரான ஏ.பி.மகேஷ்வரி கூறுகையில், “நக்சலைட்டுகள் ஆதிக்கத்தால் பாதிக்கப்படுகிற மாநிலங்கள், கிளர்ச்சிகளால் பாதிக்கப்படுகிற பகுதிகளில், நோயுற்ற வீரர்களையும், படுகாயம் அடைந்த வீரர்களையும் மீட்டு சிகிச்சைக்கு அழைத்துச்செல்ல இந்த ஆம்புலன்சுகள் பயன்படுத்தப்படும்” என தெரிவித்தார்.
மேலும், இந்த பைக் ஆம்புலன்சில், மருத்துவ சாதனங்கள், ஆக்சிஜன் கிட் போன்றவை இணைக்கப்பட்டுள்ளன. அதன்மூலம் பயணத்தின்போது குளுக்கோஸ், ஆக்சிஜன் செலுத்த முடியும் என்பது குறிப்பிடத்தக்கது. இந்த பைக் ஆம்புலன்ஸ் திட்டத்துக்காக மத்திய ஆயுதப்படை போலீசுக்கு ரூ.35 லட்சம் ஒதுக்கப்பட்டுள்ளது.
