18 வயதிற்கு மேற்பட்டோருக்கான கொரோனா தடுப்பூசி : இன்று முதல் முன்பதிவு தொடக்கம்

18 வயதிற்கு மேற்பட்டோருக்கான கொரோனா தடுப்பூசி செலுத்திக்கொள்வதற்கான முன்பதிவு இன்று முதல் நாடுமுழுவதும் தொடங்குகிறது.

வருகின்ற மே 1 ம் தேதி முதல் நாடுமுழுவதும் 18 வயதிற்கு மேற்பட்ட அனைவரும் தடுப்பூசி எடுத்துக்கொள்ளலாம் என்று மத்திய அரசு தெரிவித்தது. மேலும், அதற்கான மருந்துகளை மாநில அரசுகள் மருந்து தயாரிக்கும் நிறுவனங்களிடம் இருந்து நேரடியாக பெற்றுக்கொள்ளலாம் என்றும் தெரிவிக்கப்பட்டது.

இந்தநிலையில், கொரோனா அச்சத்திற்கு பயந்து 18 வயதிற்கு மேற்பட்ட அனைவரும் தடுப்பூசி மையங்களில் படையெடுக்கலாம் என்ற நிலையில் www.CoWin.gov.in/home என்ற இணையதளத்தில் முன்பதிவு செய்து தடுப்பூசி செலுத்திக்கொள்ளலாம் என்று மத்திய அரசு சார்பில் தெரிவிக்கப்பட்டுள்ளது.

இதில், பதிவு செய்வோர் புகைப்படத்துடன் கூடிய அடையாள அட்டை மற்றும் செல்போன் நம்பரை பதிவிட வேண்டும் என்றும், ஒரு செல்போனில் இருந்து நான்கு பேர் வரை தங்களது அடையாள அட்டையுடன் பதிவு செய்யலாம் என்றும் தெரிவிக்கப்பட்டுள்ளது.