சிறுமி காதலிக்க மறுத்ததால் பெட்ரோல் ஊற்றி எரித்துக் கொலை பதறவைக்கும் சம்பவம்

வீட்டில் தூங்கிக்கொண்டிருந்த பள்ளிச் சிறுமி மீது பெட்ரோல் ஊற்றி எரித்து கொலை செய்த சம்பவம் அதிர்ச்சியை ஏற்படுத்தியுள்ளது.

ஜார்கண்ட் மாநிலம் தும்கா நகரை சேர்ந்தவர் அங்கிதா குமாரி(16). அதே பகுதியில் வசிக்கும் முகமது ஷாருக் ஹசன் என்ற இளைஞர் இந்த சிறுமியை காதலிக்கும் படி தொல்லைக் கொடுத்து வந்துள்ளார். அவரது செல்போன்னை வாங்கி டார்ச்சரும் செய்து வந்துள்ளார்.

அங்கிதா சிறுவயதில் இருக்கும்போதே அவரின் தாயார் உயிரிழந்துட்டார். இந்த நிலையில் ஷாருக் ஹசன் தனக்கு தொல்லை கொடுத்து வருவதாக தந்தையிடம் கூறியுள்ளார். இதை கேட்டு பதறிப்போன அவளின் தந்தை, நாளை அவனது வீட்டிற்கு சென்று விசாரிக்கிறேன் என்று கூறியுள்ளார். பின்னர், இருவரும் சாப்பிட்டுவிட்டு உறங்கச் சென்றுள்ளனர்.

நள்ளிரவில் சிறுமி உறங்கிக்கொண்டிருக்கும் போது ஜன்னல் வழியாக பெட்ரோலை ஊற்றி தீ வைத்துள்ளான் முகமது ஷாருக் ஹசன். இதில் அலறித்துடித்த அங்கிதாவை அவரது தந்தை மீட்டு மருத்துவமனையில் அனுமதித்தார். அங்கு 45% தீக்காயங்களுடன் சிகிச்சைப் பெற்று வந்த அங்கிதா, சிகிச்சை பலனின்றி நேற்று உயிரிழந்தார். இறப்பதற்கு முன் தன் சாவுக்கு காரணம் முகமது ஷாருக் ஹசன் என்று வாக்குமூலம் கொடுத்துள்ளார். இதையடுத்து முகமது ஷாருக் ஹசனை போலீசார் கைது செய்தனர். அவனை கைது செய்யும் போது அவன் சிரிக்கும் வீடியோ இணையத்தில் வைரலாகி பெரும் விவாதங்களை எழுப்பியது.

மேலும், இந்த சம்பவம் இந்து-இஸ்லாமிய மதரீதியிலான மோதலை ஏற்படுத்த வழிவகுக்கும் என்பதால் அங்கு 144 தடை உத்தரவு பிறப்பிக்கப்பட்டு போலீசார் குவிக்கப்பட்டுள்ளனர்.