By கோவை அருகே ஆள் இல்லாத வீட்டில் புகுந்து நகை, பணத்தை கொள்ளையடித்து சென்ற கும்பல்.
கோவை சரவணம்பட்டி சித்ரா நகர் பகுதியை சேர்ந்தவர் துரைசாமி(70). இவர் அவருக்கு சொந்தமான தோட்டத்தை விற்று 30 லட்சம் பணமும் 10 பவுன் நகையும் வாங்கி பீரோவில் வைத்து விட்டு உறவினர் வீட்டு திருமணத்திற்கு சென்றுள்ளார்.
திருமணத்தை முடித்து விட்டு வீட்டிற்கு வந்து பார்த்த போது வீட்டின் கதவு உடைக்கப்பட்டிருப்பதை பார்த்து அதிர்ச்சி அடைந்துள்ளார். அதனை தொடர்ந்து வீட்டிற்குள் சென்று பார்க்கையில் பீரோவும் உடைக்கப்பட்டிருப்பதை கண்டு அதிர்ச்சியடைந்துள்ளார்.
மேலும், பீரோவில் வைத்திருந்த 30 லட்சம் பணமும் 10 பவுன் நகையும் கொள்ளையடைக்கப்பட்டிருந்தது. இது குறித்து சரவணம்பட்டி காவல் நிலையத்திற்கு தகவல் அளிக்கப்பட்டு அங்கு வந்த காவல்துறையினர் வீட்டில் இருக்கும் கை ரேகைகளை பதிவு செய்து விசாரணை மேற்கொண்டு வருகின்றனர்.
கோவையில் இரவு நேரங்களில் அரை நிர்வாண கோலத்துடன் மர்ம நபர்கள் சுற்றி வந்த சம்பவம் கடந்த தினங்களில் கடும் பரபரப்பை ஏற்படுத்தியது. அதனை தொடர்ந்து பல்வேறு இடங்களில் துணிகரமாக கொள்ளை சம்பவத்தில் ஈடுபடும் கடப்பாரை கொள்ளையர்களின் ஆதிக்கம் மீண்டும் தலை தூக்கியுள்ளது.
