பிஎம் கேர்ஸ் நிதியிலிருந்து ஒரு லட்சம் ஆக்சிஜன் செறிவூட்டிகளை வாங்க மத்திய அரசு அனுமதி..!

பிரதமர் நரேந்திர மோடி பிஎம் கேர்ஸ் நிதியிலிருந்து 1 லட்சம் போர்ட்டபிள் ஆக்சிஜன் செறிவூட்டிகளை வாங்க அனுமதி அளித்துள்ளார்.

கொரோனா நிர்வாகத்திற்கான திரவ மருத்துவ ஆக்சிஜன் (எல்எம்ஓ) விநியோகத்தை மேம்படுத்துவதற்கு தேவையான நடவடிக்கைகள் குறித்து விவாதிக்க பிரதமர் நரேந்திர மோடி தலைமையில் நடைபெற்ற உயர்மட்ட கூட்டத்தில் இந்த முடிவு எடுக்கப்பட்டுள்ளது. இந்த ஆக்சிஜன் செறிவூட்டிகளை விரைவாக வாங்க வேண்டும் மற்றும் அதிக கொரோனா பாதிப்புகளைக் கொண்ட மாநிலங்களில் வழங்க வேண்டும் என்று பிரதமர் அறிவுறுத்தினார்.

பி.எம் கேர்ஸ் நிதியத்தின் கீழ் முன்னர் அனுமதிக்கப்பட்ட 713 பி.எஸ்.ஏ ஆலைகளுக்கு கூடுதலாக, 500 புதிய பிரஷர் ஸ்விங் அட்ஸார்ப்ஷன் (பி.எஸ்.ஏ) ஆக்சிஜன் ஆலைகள் பி.எம் கேர்ஸ் நிதியத்தின் கீழ் அனுமதிக்கப்பட்டுள்ளன.

பி.எஸ்.ஏ ஆலைகள் மாவட்ட தலைமையகம் மற்றும் டயர் 2 நகரங்களில் உள்ள மருத்துவமனைகளில் திரவ மருத்துவ ஆக்சிஜன் விநியோகத்தை அதிகரிக்கும். இந்த 500 பிஎஸ்ஏ ஆலைகள் டிஆர்டிஓ மற்றும் சிஎஸ்ஐஆர் உருவாக்கிய உள்நாட்டு தொழில்நுட்பத்தை உள்நாட்டு உற்பத்தியாளர்களுக்கு மாற்றுவதன் மூலம் நிறுவப்படும்.

பி.எஸ்.ஏ ஆலைகளை நிறுவுதல் மற்றும் சிறிய ஆக்சிஜன் செறிவூட்டிகளை கொள்முதல் செய்வது ஆக்சிஜனை வழங்குவதை பெரிதும் அதிகரிக்கும். இதன் மூலம் ஆலைகளில் இருந்து ஆக்சிஜனை கொண்டு செல்வதில் தற்போதைய தளவாட சவால்களை எதிர்கொள்ளும்.