சிங்கப்பெண்ணே!

வரும் ஜூலை மாதம் அமெரிக்காவில் நடக்கவுள்ள திருமதி உலக அழகிப்போட்டிக்கு இந்தியா சார்பில் பங்கேற்கிறார், சென்னையை சேர்ந்த பிளாரன்ஸ் ஹெலன் நளினி.

கொரோனாவால் இனி வாழ்க்கை அவ்வளவு தான். நாளை விடிந்தால் பார்க்கலாம். எழுந்து நடக்க கூட சக்தி இல்லாமல், இப்படியான மனநிலையில் இருந்த டாக்டர்.பிளாரன்ஸ் ஹெலன் நளினி, இன்று இந்தியா சார்பாக, திருமதி உலக அழகி போட்டியில் பங்கேற்க உள்ளார்.

தினம் தினம் போராட்டமே வாழ்க்கை என 29 நாட்களை கையில் பிடித்துக் கொண்டு, மரணத்தின் வாசலை தொட்டு விட்டு, மீண்டு(ம்) வந்தவர் இன்று பல பெண்களுக்கு ரோல் மாடலாக இருக்கிறார்.

அண்மையில் கே.கே. நகர் இஎஸ்ஐ மருத்துவக்கல்லூரி மாணவர்கள் நடந்திய பேஷன் ஷோவில் சிறப்பு விருந்தினராக கலந்துக்கொண்டு சிறப்பித்தார், நளினி. இவருடன் சிறப்பு விருந்தினர்களாக சின்னத்திரை பிரபலம் ராஜ்மோகன் – கவிதா ராஜ்மோகனும், சீரியல் நடிகை ஜனனியும் கலந்துக்கொண்டனர்.

சென்னை மத்தியச் சபை சார்பாக புனிய வின்சென்ட் தே பவுல் ஆலயத்தில் மகளிர் பிரதிநிதிகளின் கூட்டத்தில் கலந்துக்கொண்டு, சிறப்பு உரையாற்றினார்.

மகளிர் தினத்தையொட்டி MCC கல்லூரியில் நடந்த விழாவில், “தன்னம்பிக்கை இருந்தால் பெண்கள் எந்த சவாலையும் எதிர்கொள்ளலாம்” என்ற பீனிக்ஸ் பெண்மணி நளினி, தான் கொரோனாவில் இருந்து மீண்டு வந்த கடினமான நாட்கள் குறித்து மாணவிகளிடம் பகிர்ந்துக்கொண்டார். பல்வேறு போட்டிகளில் வெற்றிப்பெற்ற மாணவிகளுக்கு, பரிசுகளையும், சான்றிதழ்களையும் வழங்கினார், நளினி.

திருமதி உலக அழகிப்போட்டியிலும் நளினி வெற்றிப் பெற செய்தியலை சார்பாக வாழ்த்துகள்!