கல்வித்தொலைக்காட்சி ஒளிபரப்பாகும் அலைவரிசைகள் இது தான்!

9 மற்றும் 10ம் வகுப்பு பாடங்கள் ஒளிபரப்பாகும் தொலைக்காட்சியின் அலைவரிசைகளின் விபரங்களை தமிழக அரசு வெளியிட்டுள்ளது.

கொரோனா வைரஸ் காரணமாக பள்ளி, கல்லூரிகளுக்கு காலவரையின்றி விடுமுறை அளிக்கப்பட்டுள்ளது. பள்ளிகள் மீண்டும் எப்போது திறக்கப்படும் என்பது குறித்து தெரியாத நிலை இருப்பதால், 9 மற்றும் 10ம் வகுப்பு பாடங்கள் கல்வித் தொலைக்காட்சிகளில் நாள்தோறும் ஒளிபரப்பப்படும் என தமிழக பள்ளிக்கல்வித்துறை அறிவித்துள்ளது.

10 மற்றும் 12ம் வகுப்பு மாணவர்களுக்கு தனியார் தொலைக்காட்சிகள் மூலமும் பாடங்களை ஒளிபரப்புவதற்கான நடவடிக்கைகளை தமிழக அரசு மேற்கொண்டு வருகிறது. நாள்தோறும காலை 7 மணி முதுல் 9 மணி வரை ஒவ்வொரு 30 நிமிடங்களுக்கு ஒருமுறை 9,10ம் வகுப்பு பாடங்கள் ஒளிபரப்பப்படும் என தெரிவிக்கப்பட்டுள்ளது.

இந்தப் பாடங்களை தமிழக அரசு கேபிளான TACTV-யில் சேனல் எண் 200ல் பார்க்க முடியும். மேலும், SCV- சேனல் 98, TCCL – சேனல் 200, VK DIGITAL – சேனல் 55, AKSHAYA CABLE – சேனல் 17 ஆகியவற்றில் மாணவர்கள் கண்டு பயனடைய முடியும் என அறிவிக்கப்பட்டுள்ளது.