நீதிமன்றத்தில் மனைவியிடம் அலெக்ஸி நவால்னி காதலை பகிர்ந்த நெகிழ்ச்சி சம்பவம்..!!

நீதிமன்றத்தில் மனைவியிடம் அலெக்ஸி நவால்னி  காதலை பகிர்ந்த நெகிழ்ச்சி சம்பவம் நிகழ்ந்துள்ளது.

ரஷ்ய அதிபர் விளாடிமிர் புடின் மற்றும் அவரது அரசு மீதான ஊழல் புகார்களை முன்வைத்து, கடுமையான விமர்சித்ததுடன் தொடர் போராட்டங்களை முன்னெடுத்து வந்தவர் எதிர்க்கட்சித் தலைவரான அலெக்ஸி நவால்னி. அலெக்ஸி நவால்னிக்கு இளைஞர்கள் மத்தியில் பரவலான வரவேற்பு இருந்து வருகிறது. விளாடிமர் புடின் அரசு, நவால்னி மீது ஊழல் குற்றச்சாட்டு சுமத்தி, அவரைத் தேர்தலில் போட்டியிட முடியாமல் செய்தது. இருந்தபோதும், பொது வெளியில் புடின் அரசை தொடர்ந்து விமர்சித்து வருகிறார் நவால்னி. இந்த நிலையில், கடந்த ஆண்டு ஆகஸ்ட் மாதம் சைபீரியாவின் டாம்ஸ்க் நகரிலிருந்து மாஸ்கோவுக்கு விமானத்தில் செல்லும்போது நவால்னி திடீரென மயங்கி விழுந்தார்.

கோமா நிலைக்குச் சென்ற அவருக்கு ஜெர்மனியில் வைத்து தீவிர சிகிச்சை அளிக்கப்பட்டது. சிகிச்சையில் அவருக்கு விஷம் கொடுக்கப்பட்டதாக குற்றச்சாட்டுகள் எழுந்தன. அமெரிக்க புலனாய்வு அமைப்பின் உதவியுடன் நவாக்னி செயல்படுவதாக குற்றம் சாட்டிய புடின், அவரை கொலை செய்யும் நோக்குடன், பனிப்போர் காலத்தில் ரஷ்யா உருவாக்கிய நோவிசோக் விஷம் கொடுக்க உத்தரவிட்டதாக கூறப்பட்டது. தங்களுக்கு ஆதாரம் கிடைத்துள்ளதாக தெரிவித்த ஜெர்மனி, ரஷ்ய அரசை கடுமையாக விமர்சித்தது. ஆனால், இந்த குற்றச்சாட்டுகளை ரஷ்யா மறுத்தது.

இந்த சூழலில், ரஷ்யா திரும்பிய அந்நாட்டு எதிர்க்கட்சித் தலைவர் அலெக்ஸி நவால்னி கடந்த வாரம் கைது செய்யப்பட்டார். அவருக்கு ஆதரவாக அந்நாடு முழுவதும் போராட்டங்கள் நடைபெற்று வருகின்றன. நீதிமன்றத்தில் ஆஜர்படுத்தப்பட்ட அலெக்ஸி நவால்னி, தனது மனைவியிடன் தமது காதலை வெளிப்படுத்தும் விதமாக கண்ணாடியில் இதய சின்னத்தை வரைந்து காட்டியதுடன், தமது கைகளாலும் இதய சின்னத்தை காட்டினார். நீதிமன்றத்தில் இருந்தவர்களை நெகிழ்ச்சியில் ஆழ்த்தியது.