’சித்ரா தற்கொலை செஞ்சுக்க கூடிய ஆள் இல்லை!’- தாய் உருக்கம்!

சின்னத்திரை நடிகையும் தொகுப்பாளினியுமான சித்ராவின் எதிர்பாராத தற்கொலை பலரையும் அதிர்ச்சிக்குள்ளாக்கியுள்ளது.

சின்னத்திரை நடிகையும் தொகுப்பாளினியுமான சித்ராவின் எதிர்பாராத தற்கொலை பலரையும் அதிர்ச்சிக்குள்ளாக்கியுள்ளது.

பல பிரபலங்களும் ரசிக்ர்களும் இதற்கு தங்களது வருத்தத்தை சோஷியல் மீடியாவில் பதிவு செய்து வருகின்றனர். அந்த வகையில், பலரும் சித்ராவின் இறப்பில் சந்தேகம் இருப்பதையும் தெரிவித்து வருகின்றனர்.

நேற்று இரவு ஷூட்டிங் முடிந்து சித்ரா தனது குடும்பத்தார் மற்றும் வருங்கால கணவருடன் ஹோட்டலில் தங்கியிருந்த போதுதான் இந்த சம்பவம் நடந்திருக்கிறது. மேலும் சித்ராவின் தாயாருக்கும் அவருடைய கணவர் ஹேமந்துக்கும் இடையில் பிரச்சனை இருப்பதாக தெரிகிறது.

சித்ரா தைரியமான, பாசிட்டிவான ஒருவர் எனவும் அவர் இப்படி தற்கொலை செய்ய கூடியவர் இல்லை எனவும் பலரும் தெரிவித்து வரும் நிலையில், சித்ராவின் தாயாரும் அவர் இறப்பில் தனது சந்தேகத்தை தெரிவித்துள்ளார்.

‘என்னுடைய மகள் உறுதியான மனநிலை கொண்டவர். அப்படி இருக்கும் போது எப்படி இந்த முடிவ எடுத்தாங்கன்னு தெரியல. அவருடைய இறப்புல சந்தேகம் இருக்கு’ என அவரது தாயார் கண்ணீர் மல்க தெரிவித்துள்ள நிலையில், தற்போது சித்ராவின் தற்கொலை வழக்கில் அவரது கன்னத்தில் காயம் இருந்தது குறித்தும் அவருடைய கணவர் ஹேமந்திடமும் போலீஸார் விசாரணையை தீவிரப்படுத்தியுள்ளனர் என்பது குறிப்பிடத்தக்கது.