10ம் வகுப்பு துணைத்தேர்வு ஹால்டிக்கெட் வெளியீடு… ஆகஸ்டு 2ம் தேதி முதல் தேர்வு

10ம்வகுப்பு துணைத்தேர்வுக்கான ஹால்டிக்கெட்டுகளை இன்று முதல் பதிவிறக்கம் செய்து கொள்ளலாம் என தேர்வுத்துறை அறிவித்துள்ளது.

10,12ம் வகுப்பு தேர்வு முடிவுகள் கடந்த மாதம் வெளியான நிலையில் தேர்வில் தோல்வியடைந்த மாணவர்கள் மற்றும் தேர்வு எழுதாத மாணவர்களுக்கு துணைத்தேர்வுகள் நடத்தப்படவுள்ளது. அதன்படி, 12ம் வகுப்பு துணைத்தேர்வு ஜூலை 25ம் தேதி தொடங்கி ஆகஸ்டு 1ம் தேதி வரையும், 10ம் வகுப்பு துணைத்தேர்வு ஆகஸ்டு 2ம் தேதி தொடங்கி ஆகஸ்டு 8ம் தேதி வரையிலும் நடைபெறுகிறது.

இந்த நிலையில் 10ம் வகுப்பு துணைத்தேர்வுக்கான ஹால்டிக்கெட்டை இன்று (22.07.2022) முதல் பதிவிறக்கம் செய்து கொள்ளலாம் என தேர்வுத்துறை அறிவித்துள்ளது. ஹால்டிக்கெட்டை பதிவிறக்கம் செய்ய விரும்பும் மாணவர்கள்   www.dge.tn.gov.in  என்ற இணையதளத்திற்கு சென்று பதிவிறக்கம் செய்து கொள்ளலாம்.