10ம் வகுப்பு துணைத்தேர்வு முடிவுகள் இன்று வெளியாகிறது

10ம் வகுப்பு துணைத்தேர்வு முடிவுகள் இன்று வெளியிடப்படும் என்று அரசுத் தேர்வுகள் இயக்ககம் அறிவித்துள்ளது.

இதுதொடர்பாக அரசு தேர்வுகள் இயக்ககம் வெளியிட்டுள்ள  செய்திக்குறிப்பில் கூறியிருப்பதாவது: 10ம் வகுப்பு துணைத் தேர்வு முடிவுகள் இன்று (23.08.2022) பிற்பகல் 3:00 மணிக்கு வெளியிடப்படும். தேர்வு முடிவுகளை www.dge.tn.gov.in என்ற இணையதளத்தில் தங்களது தேர்வெண் மற்றும் பிறந்த தேதியை பதிவு செய்து மதிப்பெண் சான்றிதழ்களை பதிவிறக்கம் செய்து கொள்ளலாம்.

ஆகஸ்டு 2022, 10ம் வகுப்பு துணைத்தேர்வுக்கான மறுகூட்டலுக்கு விண்ணப்பிக்க விரும்புபவர்கள் சம்மந்தப்பட்ட மாவட்ட அரசுத் தேர்வுகள் உதவி இயக்குநர் அலுவலகத்திற்கு 25.08.2022 (வியாழக்கிழமை) மற்றும் 26.08.2022 (வெள்ளிக்கிழமை) ஆகிய இரண்டு நாட்களில் காலை 10:00 மணி முதல் மாலை 5:00 மணிவரை நேரில் சென்று உரிய கட்டணம் செலுத்தி பதிவு செய்து கொள்ள வேண்டும்.

மறுகூட்டலுக்கு பாடம் ஒவ்வொன்றிற்கும் ₹205 செலுத்த வேண்டும். அரசுத் தேர்வுத் துறையால் பின்னர் அறிவிக்கப்படும் தேதியில் மறுகூட்டல் முடிவுகள் குறித்து அறிவிப்பு வெளியிடப்படும். இவ்வாறு அதில் தெரிவிக்கப்பட்டுள்ளது.