மருமகனை கூலிப்படையை வைத்து போட்டுத்தள்ளிய மாமியார்

தனது மருமகனை கூலிப்படையை வைத்து மாமியாரே போட்டுத்தள்ளிய சம்பவம் அதிர்ச்சியை ஏற்படுத்தியுள்ளது.

தர்மபுரி மாவட்டம் பாலக்கோடு அருகே அண்ணாமலை அள்ளி அரசு மதுபான கடைமுன்பு கடந்த 19ம் தேதி வாலிபர் ஒருவர் மர்மமான முறையில் கொலை செய்யப்பட்டு கிடந்தார். இதையடுத்து விரைந்து வந்த போலீசார் உடலை கைப்பற்றி பிரேத பரிசோதனைக்கு அனுப்பி வைத்தனர். இதையடுத்து போலீசார் நடத்திய விசாரணையில் அந்த வாலிபர் சூர்யா என்பது தெரியவந்தது. மேலும், அவரது மாமியார் காரிமங்கலத்தை சேர்ந்த சகுந்தலாவிடம் (47) விசாரணை நடத்தியதுபோது பல்வேறு திடுக்கிடும் தகவல்கள் வெளியானது.

போலீசாரிடம் அவரது மாமியார் அளித்த வாக்குமூலத்தில்: எனது மகள் சாமுண்டீஸ்வரிக்கும் (32),சூர்யாவிற்கும் கடந்த 17 ஆண்டுகளுக்கு முன்பு திருமணம் நடந்தது. இவர்களுக்கு இரண்டு  மகன்கள் உள்ளனர். எனது மகள் தனியார் பள்ளியில் ஆசிரியையாக பணியாற்றி வருகிறார். சூர்யா மதுவிற்கு அடிமையாகி வேலைக்கு செல்லாமல் இருந்து வந்தார். தினமும் குடித்துவிட்டு வந்து மகளிடம் பணம் கேட்டு அடித்து துன்புறுத்தி வந்தார். இதுகுறித்து மகள் வருந்திக் கூறினார். இதனால், சூர்யா இறந்தால்தான் மகள் நிம்மதியாக இருப்பாள் என்று கருதினேன். சம்பவத்தன்று  கூலிப்படையை சேர்ந்த இருவரிடம் சூர்யாவிற்கு மதுவாங்கி கொடுக்க கூலி பணம் கொடுத்து அனுப்பினேன். அதன்படி அவர்கள், மதுவாங்கி கொடுத்து போதை தலைக்கேறியதும் அரிவாளால் வெட்டி கொலைசெய்தனர். என்று கூறினார். இதையடுத்து சகுந்தலாவை போலீசார் நீதிமன்றத்தில் ஆஜர்படுத்தி சிறையில் அடைத்தனர்.