“அக்கட” தேசத்திற்க்கு செல்லும் லோகேஷ் கனகராஜ்?

தெலுங்கில் ‘ரங்கஸ்தலம்’, ‘டியர் கம்ரேட்’, ‘கேங் லீடர்’ உள்ளிட்ட பல வெற்றிப் படங்களைத் தயாரித்துள்ள நிறுவனம் மைத்ரி மூவி மேக்கர்ஸ். இந்த நிறுவனத்திற்க்கு ஒருபடம் செய்ய ஒப்பந்தம் ஆகி உள்ளார் லோகேஷ் கனகராஜ்…

மாநகரம் என்ற திரைப்படத்தின் மூலம் தமிழ் திரையுலகை திரும்பிப்பார்க்க வைத்தவர் லோகேஷ் கனகராஜ் குறைந்த பட்ஜெட்டில் தரமான படம் தர முடியும் என நிரூபித்து காட்டியவர்,

அடுத்ததாக கார்த்தியை வைத்து எடுத்த கைதி திரைப்படம் தமிழ் திரைப்படத்தின் பார்முலாவை உடைத்தது ஒரு கதாநாயகி இல்லை, பாடல் இல்லை ஆனால் விறுவிறுப்புக்கு குறை இல்லை கார்த்தி திரையுலக வாழ்க்கையில் அதிக வசூல் குடுத்த படமாக “கைதி”படம் அமைந்தது.

அதனால் தான் விஜயின் அடுத்த பட இயக்குனர் லிஸ்டில் வந்தார் லோகேஷ் கனகராஜ் வெற்றிகரமாக மாஸ்டர் திரைப்படத்தையும் முடித்து விட்டார் இறுதிக்கட்டப் பணிகள் அனைத்தும் முடிந்து, வெளியீட்டுக்குத் தயாராக உள்ளது. கரோனா அச்சுறுத்தல் முடிந்து திரையரங்குகள் திறந்தவுடன் ‘மாஸ்டர்’ வெளியாகவுள்ளது.

இப்படத்துக்குப் பிறகு ராஜ்கமல் நிறுவனம் தயாரிக்கும் படத்தை லோகேஷ் கனகராஜ் இயக்கவுள்ளதாக தகவல் கிடைத்துள்ளது .இதில் ரஜினி நடிக்கவுள்ளதாகவும் தகவல் வெளியாகியுள்ளது. ஆனால், கரோனா அச்சுறுத்தலால் இதில் மாற்றம் இருக்க வாய்ப்புள்ளதாகத் தெரிகிறது.

ராஜ்கமல் நிறுவனத்தின் படத்தை முடித்துவிட்டு, தெலுங்குத் திரையுலகின் முன்னணித் தயாரிப்பு நிறுவனமான மைத்ரி மூவி மேக்கர்ஸ் தயாரிக்கும் படத்தை இயக்க ஒப்பந்தமாகியுள்ளார், லோகேஷ் கனகராஜ். இந்தப் படத்தில் தெலுங்கில் முன்னணியிலுள்ள மகேஷ் பாபு அல்லது அல்லு அர்ஜுன் நடிக்கவுள்ளதாகவும், தகவல் வெளியாகியுள்ளது.

தெலுங்கில் ‘ரங்கஸ்தலம்’, ‘டியர் கம்ரேட்’, ‘கேங் லீடர்’ உள்ளிட்ட பல வெற்றிப் படங்களைத் தயாரித்துள்ள நிறுவனம் மைத்ரி மூவி மேக்கர்ஸ். தற்போது லோகேஷ் கனகராஜூடன் இணைவது திரையுலகத்தில் பரபரப்பாக பேசப்படுகிறது.