விக்ரம் இயக்குநருடன் பணிபுரிய அருமையான வாய்ப்பு

லோகேஷ் கனகராஜ் இயக்கத்தில் கமல், விஜய்சேதுபதி, பகத்பாசில் மற்றும் பலர் நடிப்பில் வெளிவந்த திரைப்படம் விக்ரம். இப்படம் மாபெரும் வசூல் சாதனையை படைத்ததுடன் மிகப்பெரும் வெற்றியும் பெற்றது. இதையடுத்து லோகேஷ் கனகராஜ் நட்சத்திர இயக்குநர்களில் ஒருவராக மாறிவிட்டார்.

இந்த நிலையில், கோவை மாநகர காவல்துறை &டெக்ஸிட்டி யுவா இந்தியா என்ற அமைப்பினர் சார்பில் குறும்பட போட்டி அறிவிக்கப்பட்டுள்ளது. அதன்படி, ‘போதை தடுப்பு விழிப்புணர்வு’ என்ற தலைப்பில், 3முதல் 5 நிமிடங்கள் வரையிலான குறும்படத்தை, அக்டோபர் 20 ஆம் தேதிக்குள் சமர்ப்பிக்க வேண்டும். மேலும் இந்த போட்டியில் கோவை மாவட்டத்தைச் சேர்ந்த கல்லூரி மாணவர்கள் மட்டும் பங்கு பெறலாம் எனவும், வெற்றி பெறுவோருக்கு இயக்குநர் லோகேஷ் கனகராஜிடம் உதவி இயக்குநராக பணிபுரியும் வாய்ப்பு கிடைக்கும் எனவும் தெரிவிக்கப்பட்டுள்ளது.