கன்னட சூப்பர் ஸ்டார் புனித் ராஜ்குமார் மாரடைப்பால் காலமானார்!!

கன்னட நடிகரும் தயாரிப்பாளரான புனித் ராஜ்குமார் (46 ) மாரடைப்பு காரணமாக இன்று காலமானார்.

புனித் ராஜ்குமார் இன்று ஜிம்மில் உடற்பயிற்சி மேற்கொண்ட போது திடீரென நெஞ்சுவலி ஏற்பட்டுள்ளது. இதன் காரணமாக காலை 11.30 மணி அளவில் அவர் பெங்களுருவில் உள்ள தனியார் மருத்துவமனையில் அனுமதிக்கப்பட்டார்.

கன்னட திரையுலகின் மூத்த நடிகர் ராஜ்குமாரின் மகன் தான் புனித் ராஜ்குமார். பவர் ஸ்டார் புனித் ராஜ்குமார் 29 திரைப்படங்களில் முன்னணி நடிகராக நடித்துள்ளார்.

தீவிர சிகிச்சை பிரிவில் அனுமதிக்கப்பட்டு இருந்த அவர் சிகிச்சை பலனின்றி காலமானார்.

அரசியல் கட்சியினர், உறவினர்கள், சக நடிகர்கள் & தயாரிப்பாளர்கள் உட்பட பலர் மருத்துவமனைக்கு விரைந்துள்ளதால், மருத்துவமனையில் பலத்த பாதுகாப்பு போடப்பட்டுள்ளது. இதனைத் தொடர்ந்து சமூக வலைதளங்களில் ரசிகர்கள் இரங்கல் தெரிவித்து பதிவிட்டு வருகின்றனர்.