ஆர். ஜே. பாலாஜி இயக்கத்தில் லேடி சூப்பர் ஸ்டார் நயன்தாரா நடித்த மூக்குத்தி அம்மன் திரைப்படத்தின் டிரெய்லர் கடந்த வாரம் வெளியாகியுள்ளது.
ஆர் ஜே பாலாஜி மிகவும் சீரியஸான விஷயத்தை சிரிப்பாக எடுத்துரைப்பதில் கில்லாடி.
அமைதிப்படைக்கு பிறகு அரசியலின் அவல நிலையை காமெடியாக எடுத்துரைத்த படம் ஆர் ஜே பாலாஜியின் LKG படம் தான்.
இவர் தற்போது மூக்குத்தி அம்மன் என்னும் திரைப்படத்தை இயக்கி இருக்கிறார்.
நயன்தாரா பொதுவாகவே சமீப நாட்களில் ஏனோதானோ என்று கதைகளை தேர்வு செய்யாமல் சிறந்த கதைகளை தேர்வு செய்து நடித்து வருகிறார்.
நயன்தாரா இந்த படத்தில் அம்மனாக நடித்து இருக்கிறார். இதற்காக படப்பிடிப்பு தொடங்குவதற்கு முன்பாக 40 நாட்கள் விரதம் இருந்ததாக செய்திகள் வெளிவந்தன.
டிரெய்லர்:
டிரெய்லர் தொடங்கும் போதே நயன்தாரா மெசேஜ் உடன் ஆரம்பிக்கிறது.
ஆர் ஜே பாலாஜி ஒரு தனியார் தொலைக்காட்சியில் வி ஜே ஆக நடித்திருக்கிறார்.
மூன்று தங்கைகளுக்கு அண்ணனாக நடுத்தர குடும்பத்தை சேர்ந்தவர் போலும்.
நடிகை ஊர்வசி இயக்குனர் மௌலி நடித்து இருக்கிறார்கள் எனவே சிரிப்புக்கு கண்டிப்பாக பஞ்சம் இருக்காது.
குடும்பத்துடன் குலதெய்வ கோவிலுக்கு சென்றால் கஷ்டங்கள் தீரும் என்று சொல்லும் ஊர்வசி பிள்ளைகள் அனைவரும் ஒன்று சேர்ந்தார் போல் அம்மன் கூப்பிட்டால் போகலாம் என்று சொல்கின்றனர்.
ஒரு நாள் மூக்குத்தி அம்மனே நேரடியாக தரிசனம் அளிக்கிறார். அதன் பிறகு அவர்கள் வாழ்க்கையால் என நடக்கிறது என்பதே கதை போலும்.
ட்ரெய்லரின் இறுதியில் மூக்குத்தி அம்மன் எதற்காக இவர்களை தேடி வந்தார் என்பது போல சொல்லப்பட்டு இருக்கிறது.
மதத்தை வைத்து அரசியல் செய்வதை கடவுளே வந்து எதிர்ப்பது போல் கதையாக இருக்கும் என யூகம் எழுகிறது.