+2 துணைத் தேர்வுக்கான மதிப்பெண் பட்டியல் நாளை மறுநாள் வெளியாகிறது

பிளஸ் டு துணைத்தேர்வுக்கான மதிப்பெண் பட்டியலை நாளை மறுநாள் முதல் டவுன்லோடு செய்துகொள்ளலாம் என அரசு தேர்வுகள் இயக்ககம் அறிவித்துள்ளது.

இது தொடர்பாக அரசு தேர்வுகள் இயக்ககம் வெளியிட்டுள்ள செய்திக்குறிப்பில் கூறியுள்ளதாவது: பிளஸ் -2 துணைத்தேர்வு எழுதியவர்கள் தங்களது தேர்வு முடிவை, மதிப்பெண் பட்டியலாக www.dge.tn.gov.in  என்ற இணையதளத்தில் நாளை மறுநாள் பிற்பகல் 2:00 மணிமுதல் டவுன்லோடு செய்து கொள்ளலாம்.

பிளஸ்-2 துணைத்தேர்வுக்கான விடைத்தாள் நகல் மற்றும் மறுகூட்டலுக்கு விண்ணப்பிக்க விரும்பும் தேர்வர்கள் சம்மந்தப்பட்ட மாவட்ட அரசு உதவி இயக்குநர் அலுவலகத்திற்கு வருகிற 24,25ம் தேதிகளில் காலை 10:00 மணி முதல் மாலை 5:00 மணி வரை நேரில் சென்று உரிய கட்டணம் செலுத்தி பதிவு செய்து கொள்ள வேண்டும். விடைத்தாள் நகல் பெறுவதற்கான கட்டணம் ₹275 (ஒவ்வொரு பாடத்திற்கும்) மறுகூட்டல் பொறுத்தவரையில் உயிரியல் பாடத்திற்கு ₹305ம், இதர பாடங்கள் ஒவ்வொன்றிற்கும் ₹205 எனவும் நிர்ணயிக்கப்பட்டுள்ளது. இவ்வாறு அதில் தெரிவிக்கப்பட்டுள்ளது.