தொலைதூர கல்வி பட்டமும், நேரடி வகுப்பு பட்டமும் ஒன்னுதான் யுஜிசி அதிரடி அறிவிப்பு

அங்கீகரிக்கப்பட்ட நிறுவனங்களிடம் இருந்து பெறப்படும் தொலைதூர கல்வி பட்டம் நேரடி வகுப்பு பட்டத்துக்கு இணையானது என  பல்கலைக்கழக மானியக்குழு (யுஜிசி) தெரிவித்துள்ளது.

இது தொடர்பாக யுஜிசி வெளியிட்டுள்ள அறிக்கையில் தெரிவித்திருப்பதாவது: உயர்கல்வி நிறுவனங்களில் இருந்து திறந்த நிலை, தொலைதூர கல்விமுறை மற்றும் ஆன்லைன் கற்றல் மூலம் பெறப்படும் இளங்கலை, முதுகலை பட்டங்கள், முதுகலை பட்டப்படிப்பு சான்றிதழ்கள் அனைத்தும் வழக்கமான முறையில் (நேரடி வகுப்பு) வழங்கப்படும் பட்டங்கள் மற்றும் முதுகலை பட்டயப்படிப்புகளுக்கு சமமாக கருதப்படும் என்று தெரிவிக்கப்பட்டுள்ளது. மேலும், பல்கலைக் கழக மானியக்குழு விதிமுறைகளின் 22அது விதியின் படி இந்த முடிவு எடுக்கப்பட்டுள்ளதாகவும் அந்த அறிக்கையில் குறிப்பிடப்பட்டுள்ளது.