By சுரங்க முறைகேடு வழக்கில் ஜார்கண்ட் முதல்வர் ஹேமந்த் சோரனின் எம்எல்ஏவை பதவியை பறிக்குமாறு அம்மாநில ஆளுநருக்கு இந்திய தேர்தல் ஆணையம் பரிந்துரை செய்துள்ளது.
ஜார்கண்டில் முதல்வர் ஹேமந்த் சோரன் தலைமையிலான முக்தி மோர்ச்சா, காங்கிரஸ் கூட்டணி ஆட்சி நடக்கிறது. ஹேமந்த் சோரனுக்கு உதவியாளராக இருக்கும் பங்கஜ் மிஸ்ரா சுங்கச்சாவடி ஒதுக்கீட்டில் ஊழல் செய்ததாக போலீசார் வழக்குப்பதிவு செய்து சோதனை நடத்தினர். இந்த சோதனை பங்கஜ் மிஸ்ரா மற்றும் அவரது உறவினர்கள் வீடுகளில் நடைபெற்றது. இதில், ₹13.32 கோடி ரொக்கம் பறிமுதல் செய்யப்பட்டது. மேலும், ராஞ்சியில் உள்ள ஹேமந்த் சோரனின் உதவியாளர் பிரேம் பிரகாஷ் வீட்டிலிருந்து இரண்டு ஏ.கே.47 துப்பாக்கிகளையும், 60 குண்டுகளையும் அமலாக்கத்துறையினர் நேற்று பறிமுதல் செய்தனர். இதையடுத்து அவர் கைது செய்யப்பட்டார்.
இந்நிலையில், நிலக்கரி சுரங்கங்களை ஒதுக்கியதில் நடந்த முறைகேடு தொடர்பான புகாரில் முதல்வர் ஹேமந்த் சோரனை தகுதி நீக்கம் செய்ய அம்மாநில ஆளுநருக்கு இந்திய தேர்தல் ஆணையம் பரிந்துரை செய்துள்ளது. இதன்மூலம் ஹேமந்த் சோரனின் எம்எல்ஏ பதவி பறிக்கப்படவுள்ளது.
