வினோதமாக பிறந்த நாய்க்குட்டி : போட்டோஸ் வெளியீடு

வினோதமாக பிறந்த நாய்க்குட்டியின் போட்டோஸ் வெளியிடப்பட்டுள்ளது.

பிலிப்பைன்ஸில் அக்லான் மாகாணத்தை சேர்ந்த அமி டி என்ற இடத்தில் ஒரு நாய் இரண்டு நாய்க்குட்டிகளை பெற்றெடுத்தது. முதல் நாய்க்குட்டி வழக்கம் போல சாதாரணமாக இருந்தது. ஆனால் இரண்டாவது நாய்க்குட்டி முற்றிலும் வேறுப்பட்டு இருந்தது. நாய் உரிமையாளர் தனது நாய் ஈன்ற குட்டியை கண்டு அதிர்ச்சியடைந்துள்ளார். ஆம் வித்தியாசமாக ஒரு நாய்க்குட்டியை அவரது நாய் ஈன்றது. இந்த நாய்க்குட்டி பிப்ரவரி 6 அன்று பிறந்தது. வெளிர் நிறமுள்ள அந்த நாய்க்குட்டி பிறந்த உடனே சுவாசிக்க சிரமப்பட்டது. அதனுடைய வாயின் பக்கத்தில் இரண்டு நீளமான பெரிய நாக்குகள் ஒட்டிக்கொண்டிருந்தன. ஒரு கண் தான் அந்த கண் தலையின் மையத்தில் இருந்தது. அந்த நாய்க்கு மூக்கே இல்லை.

நாய்க்குட்டி தனது தாயிடமிருந்து பால் குடிக்க மிகவும் சிரமப்பட்டது. இதனால் அதன் முதலாளி அதற்கு உதவினார். அந்த நாய்க்குட்டியால் உயிர் வாழ முடியும் என நம்பினர். சைக்ளோப்ஸ் என்னும் பெயரிடப்பட்ட அந்த நாய்க்குட்டியை ஒரு நாள் மட்டுமே அவர்களால் காப்பாற்ற முடிந்தது. சரியாக சுவாசிக்க முடியாததால் பிறந்த அன்றே இரவு 10 மணி அளவில் அந்த நாய் இறந்தது. தாய் நாய் கர்ப்பமாக இருந்தபோது நச்சுக்களை சாப்பிட்டு இருக்கலாம். இது அந்த நாய்க்குட்டியின் நிலைக்கு காரணமாக இருந்திருக்கலாம் என கால்நடை மருத்துவர் தெரிவிக்கிறார்.

“சைக்ளோப்ஸின் தாய் நச்சுத்தன்மையுள்ள ஏதோ ஒன்றை சாப்பிட்டிருக்கலாம் என்று கால்நடை மருத்துவர் கூறினார். ஆனால் சைக்ளோப்ஸின் தாய் மாதவிடாய் நின்ற ஒரு நாய் ஆகும். அதனால் கூட சைக்ளோப்ஸிற்கு இந்த பிரச்சனை ஏற்பட்டு இருக்கலாம். நாங்கள் சைக்ளோஸிற்கு பாலை சொட்டு சொட்டாக அளித்து வந்தோம்” என்று அதன் உரிமையாளர் ஆமி டெய்லி ஸ்டார் கூறினார். ஆமி அந்த நாய்க்குட்டியை தோட்டத்தில் அடக்கம் செய்வதற்கு பதிலாக ஒரு கண்ணாடி பெட்டியில் பாதுக்காத்து வைத்தார். அந்த நாய்க்குட்டிக்கு சைக்ளோபியா என்னும் பாதிப்பு இருப்பதாக நம்பப்பட்டது. இது மரபணு குறைப்பாடு அல்லது மூளையின் வளர்ச்சியை பாதிக்க கூடிய நச்சுக்களால் ஏற்படலாம்.