By பிரபல இயக்குனர் பா.இரஞ்சித் ன் இயக்கத்தில் விக்ரம் நடித்து வரும் படம்தான் ‘தங்கலான்’. இந்தப் படத்தை ஞானவேல் ராஜா தயாரிக்க ஜி.வி.பிரகாஷ்குமார் இப்படத்துக்கு இசையமைக்கிறார். கர்நாடக மாநிலத்தில் உள்ள கே.ஜி.எஃப். குறித்த கதை என இயக்குனர் பா.இரஞ்சித் ஏற்கனவே தெரிவித்திருந்தார். இதனால் இந்த படம் ரசிகர்களிடையே மிகப்பெரிய எதிர்பார்ப்பை ஏற்படுத்தி இருக்கிறது. இப்படத்தில் பார்வதி, மாளவிகா மோகனன், பசுபதி, ஹரி, பிரிட்டிஷ் நடிகர் டேனியல் கால்டகிரோன் நடிக்கின்றனர். ‘தங்கலான்’ படத்தின் படப்பிடிப்பு கடந்த ஆண்டு வாக்கில் துவங்கி விறுவிறுப்பாக நடைபெற்று கொண்டிருக்கிறது.. பின்னர் விக்ரம் படப்பிடிப்பை மீண்டும் தொடங்கினார். இந்நிலையில், தங்கலான் படத்தின் ரிலீஸ் குறித்த தகவல் இணையத்தில் வைரலாகி வருகிறது. அதன்படி இப்படம் வருகிற பொங்கல் தினத்தன்று வெளியாக படக்குழு திட்டமிட்டு வருகிறது என கோலிவுட் வட்டாரங்கள் தெரிவிக்கின்றன.
