பஞ்சாப் – மும்பை அணிகள் இன்றைய போட்டியில் மோதல்…பஞ்சாப் தோல்வியிலிருந்து மீளுமா…?

பஞ்சாப் – மும்பை அணிகள் இன்றைய போட்டியில் மோதுகின்றன பஞ்சாப் தோல்வியிலிருந்து மீளுமா என ரசிகர்கள் எதிர்பார்க்கின்றனர்.

ஐபிஎல் தொடரில் இன்று நடைபெறும் ஆட்டத்தில் பஞ்சாப் அணி மும்பையை எதிர்கொள்கிறது. சென்னை சேப்பாக்கத்தில் இரவு 7.30 மணிக்கு இப்போட்டி தொடங்குகிறது. 5 முறை சாம்பியனான மும்பை இந்தியன்ஸ் அணி தனது முதலாவது ஆட்டத்தில் 2 விக்கெட் வித்தியாசத்தில் பெங்களூரு ராயல் சேலஞ்சர்சிடம் தோல்வியை தழுவியது.

அடுத்த ஆட்டங்களில் 10 ரன் வித்தியாசத்தில் கொல்கத்தா நைட் ரைடர்சையும், 13 ரன் வித்தியாசத்தில் ஐதராபாத் சன்ரைசர்சையும் வீழ்த்தியது. கடந்த ஆட்டத்தில் 6 விக்கெட் வித்தியாசத்தில் டெல்லி கேப்பிட்டல்சிடம் பணிந்தது. அந்த ஆட்டத்தில் அமித் மிஸ்ராவின் சுழலில் சிக்கிய மும்பை அணி 9 விக்கெட்டுக்கு 137 ரன்கள் எடுத்து முடங்கியது. கடந்த 4 ஆட்டங்களில் வெறும் 35 ரன்கள் மட்டுமே எடுத்து இருக்கும் ‘ஆல்-ரவுண்டர்’ ஹர்திக் பாண்ட்யா முதுகுவலி பிரச்சினை காரணமாக பந்து வீசாமல் இருப்பதும் மும்பை அணிக்கு சற்று பின்னடைவாக உள்ளது.

Read more : மண மேடையில் காத்திருந்த மணமகளின் திருமணம்… குப்பையில் கிடந்த நகையால் நடந்த நெகிழ்ச்சி சம்பவம்…!!

ஒரு வெற்றி, 3 தோல்வியுடன் களமிறங்கும் கே.எல்.ராகுல் தலைமையிலான பஞ்சாப் அணியும் அடுத்த வெற்றியை பெற போராடுவார்கள் என்பதால் இப்போட்டி ரசிகர்களுக்கு விருந்தாக அமையும் என்பதில் எந்த சந்தேகமுமில்லை. இரு அணிகளும் பலம் வாய்ந்ததாக இருந்தாலும் நிலையற்ற ஆட்டத்தையே இதுவரை வெளிப்படுத்தி வருகிறது.