ஆழ்ந்த தூக்கத்துக்கு 15 ஈஸி டிப்ஸ்!

மனித உடலின் அனைத்து ஹார்மோன்களின் உற்பத்திக்கும் அடிப்படை இன்சுலின் என்ற ஹார்மோன். அந்த இன்சுலினில் ஏதேனும் சிக்கல் ஏற்படும்பட்சத்தில், மற்ற ஹார்மோன்கள் உற்பத்தியிலும், செயல்பாட்டிலும் பிரச்னைகள் ஏற்படத்தொடங்கும். அப்படிப்பட்ட இன்சுலின் ஹார்மோன், எப்போது பாதிக்கப்படும் தெரியுமா? போதுமான அளவு உறக்கம் உடலுக்குக் கிடைக்காதபோது!

இதன் காரணமாகவே, ஹார்மோன் சமச்சீரின்மைக்கு அடிப்படைக் காரணமாக தூக்கமின்மை சொல்லப்படுகிறது. போதுமான தூக்கமென்றால், பலரும் `தினமும் 7 – 8 மணி நேர நீண்ட உறக்கம்’ என்று நினைத்துக் கொள்வது உண்டு. ஆனால் நிதர்சனத்தில் மனித உடல்களுக்குத் தூக்கத்துக்கென பொதுவான நேர வரையறைகள் கிடையாது. அலாரம் அடிக்காமலேயே நீங்கள் எப்போது கண்விழிக்கிறீர்களோ, அதுவரையில் தூங்கலாம். அதுதான் உங்கள் உடலுக்குத் தேவைப்படும் தூக்க நேரம்.

அந்தத் தூக்க நேரத்தில், ஆழ்ந்த உறக்கம் இருப்பது அவசியம். ஆழ்ந்த உறக்கத்துக்கு, புற வெளிச்சங்கள் எதுவும் சருமத்தில் படாமல் இருக்க வேண்டும். இன்று பலரும் செய்யும் முக்கியமான தவறு, லைட் போட்டுக்கொண்டே தூங்குவது மற்றும் செல்ஃபோன்/டி.வி. பார்த்துக்கொண்டே தூங்குவது. இவை இரண்டுமே ஹார்மோன் சிக்கல்களுக்கு வழிவகுக்கும். எப்போதுமே படுக்கைக்குச் செல்லும் சில மணி நேரத்துக்கு முன்னரே டிஜிட்டல் சாதனங்களை அணைத்துவிடுவதை அனைவரும் வழக்கமாக்கிக்கொள்வது நல்லது. நைட் லைட் உபயோகம்கூட வேண்டாம். கட்டாயம் நைட் லைட் வேண்டும் என்பவர்கள், மிகக்குறைந்த வோல்டேஜ் கொண்ட பல்புகளை வாங்கி உபயோகிக்கவும்.

இன்றைய சூழலில், அனைத்தையும்விட முக்கியமானதாக இருப்பது, நிம்மதியான – ஆழமான தூக்கம்தான். நேரத்துக்குத் தூக்கம் வராமல் இருப்பது, நேரத்துக்கு விழிப்பு வராதிருப்பது, தூக்கத்தின் இடையில் அடிக்கடி விழிப்பு வருவது, குறட்டை ஒலி போன்றவையெல்லாம் ஆழ்ந்த தூக்கம் கிடைக்கவில்லை என்பதற்கான அறிகுறிகள். எனவே, இவை தெரியவருபவர்கள் மருத்துவ ஆலோசனையோடு பிரச்னையை சரிசெய்ய முயல வேண்டும்.

நிம்மதியான தூக்கத்துக்கு உதவ சில டிப்ஸ்:

1 பகல் நேரத்தில், பளிச்சென்ற வெளிச்சத்தை தரும் லைட்டை அதிகம் உபயோகியுங்கள்

2. மாலை நேரத்துக்கு பிறகு, ஊதா நிற வெளிச்சத்தில் அதிக நேரம் இருக்க வேண்டாம்
3. மாலை அல்லது அதற்கு பின்னான நேரத்தில், டீ / காபி உட்கொள்ள வேண்டாம்
4. பகலில் அதிக நேரம் தூங்காதீர்கள். அதேபோல, அடிக்கடி குட்டித்தூக்கம் போடும் பழக்கமும், வேண்டாம்
5. தூங்கும் நேரமும், எழும் நேரமும் உங்கள் உடலுக்கேற்ப நீங்களே வகுத்துக்கொள்ளுங்கள். சரியாக அந்த நேரத்தில் தூங்க செல்வது, எழுவதுமாய் இருங்கள்
6. தூக்கம் சார்ந்த சிக்கல் உள்ளவர்கள், மருத்துவரிடம் ஆலோசனை பெற்று மெலடோனின் வகை சத்துள்ள மருந்தை உட்கொள்ளுங்கள்
7. மது அருந்தாதீர்கள்
8. படுக்கை அறையை, உங்களுக்கு ஏற்றவாறு அமைத்துக் கொள்ளுங்கள்.
9. மாலை அல்லது இரவு உணவுக்கு முன், அதிகமான கலோரி உள்ள உணவுகளை எடுத்துக்கொள்ள வேண்டாம்
10. மாலை நேரத்தில், தினமும் தியானம் செய்து வாருங்கள்.
11. தூங்க செல்வதற்கு முன், குளிர்ந்த நீரில் நன்கு குளியுங்கள்

2. தூக்கம் சார்ந்த சிக்கல் இருப்பது தெரியவந்தால், தாமதிக்காமல் மருத்துவரிடம் ஆலோசனை பெறுங்கள்
3. மெத்தை, போர்வை, தலையணை என அனைத்தும் உங்களுக்கு ஏற்றவாறு அமைத்துக்கொள்ளுங்கள்
4. தினமும் உடற்பயிற்சி செய்யுங்கள். ஆனால், தூங்க செல்வதற்கு முன்பு மட்டும் உடற்பயிற்சி செய்ய வேண்டாம்
5. படுக்கைக்கு செல்லும் முன், நீர் ஆகாரம் எதுவும் குடிக்க வேண்டாம்.

கட்டுரையாளர்:ஜெ.நிவேதா