ஒருநாள் வீட்டுக்கு வாங்க நடராஜன்.. இந்திய கிரிக்கெட் வீரர் நடராஜனுடன் வீடியோ காலில் பேசிய சரத்குமார்..

இந்திய கிரிக்கெட் வீரர் நடராஜன் உடன் சமத்துவ மக்கள் கட்சி தலைவர் சரத்குமார் வீடியோ காலில் உரையாடி வாழ்த்துக்களை தெரிவித்தார்.

சென்னை :

இந்திய கிரிக்கெட் வீரர் நடராஜன் கடந்த செப்டம்பர் மாதம் நடைபெற்ற ஐபிஎல் போட்டிகளில் சிறப்பாக விளையாடி குறுகிய காலத்தில் இந்திய அணியில் இடம் பிடித்தார். ஆஸ்திரேலிய தொடருக்கான இந்திய அணியில் முதன் முதலாக இடம்பிடித்த நடராஜன் இந்த தொடரில் 11 விக்கெட்களை வீழ்த்தி அனைவரது கவனத்தையும் ஈர்த்தார்.

இதனால் உற்சாகமான அவரின் ஊரு மக்கள் மற்றும் ரசிகர்கள் நடராஜன் சொந்த ஊருக்கு திரும்பிய போது குதிரைகள் பூட்டிய சாரட் வண்டியில் அமர வைத்து அவரது வீடு வரைக்கும் ஊர்வலமாக அழைத்து சென்றனர். செண்டை மேளம் முழங்க, பட்டாசு மற்றும் வாண வேடிக்கையுடன் வரவேற்பு அளித்தனர். இவரின் சாதனை தமிழ்நாடே கொண்டாடிய அதே வேளையில், பல சினிமா பிரபலங்கள் மற்றும் அரசியல் கட்சி தலைவர்கள் வாழ்த்துக்களை தெரிவித்தனர்.

Read more – இன்றைய ராசிபலன் 02.02.2021!!!

இந்தநிலையில், சமத்துவ மக்கள் கட்சி தலைவர் சரத்குமார் மற்றும் அக்கட்சியின் மகளிர் அணி செயலாளர் ராதிகா சரத்குமார் ஆகியோர் இந்திய கிரிக்கெட் வீரர் நடராஜனுடன் வீடியோ காலில் உரையாடி வாழ்த்துகளை தெரிவித்தனர்.

அப்பொழுது பேசிய சமத்துவ மக்கள் கட்சி தலைவர் சரத் குமார், “நான் நிறைய இடத்தில் உங்களை குறித்து தான் பேசி வருகிறேன். இந்தியாவில் நிறைய வேகப்பந்து வீச்சாளர்கள் இருந்தால்கூட, இன்னொருத்தவர் வரக்கூடிய வாய்ப்பை உருவாக்கி தந்தவர் நடராஜன் என்று செய்தியாளர்கள் சந்திப்பிலும், பிரச்சாரத்திலும் சொல்லி வருகிறேன் என்றார். முதலமைச்சர் யார் வேணும்னாலும் ஆகலாம்.. திறமை இருந்தால் முன்னேறி வரலாம்.. நடராஜனுக்கு திறமை இருந்தது முன்னேறி வந்துவிட்டார். சென்னை வந்தால் வீட்டிற்கு வாங்க நடராஜன் என்று அன்பு அழைப்பையும் விடுத்தார். அருகில் இருந்த ராதிகா சரத் குமாருக்கும் நடராஜனுக்கு வாழ்த்துக்களை தெரிவித்தார். தற்போது இந்த வீடியோ இணையத்தில் வைரலாகி வருகிறது.