ஆசிரியர் தகுதி தேர்வில் வெற்றி பெற்றவர்களுக்கு ஓரிரு நாளில் பணி நியமன ஆணை :அமைச்சர் செங்கோட்டையன்

ஆசிரியர் தகுதி தேர்வில் வெற்றி பெற்றவர்களுக்கு ஓரிரு நாளில் பணி நியமன ஆணை வழங்கப்படும் என்று பள்ளி கல்வித்துறை அமைச்சர் செங்கோட்டையன் தெரிவித்துள்ளார்.

கோபி:

கடந்த 2018 ம் ஆண்டு ஆசிரியர் தகுதி தேர்வில் 857 பேர் தேர்ச்சி பெற்றனர்.அப்பொழுது குறிப்பிட்ட மூன்று இடங்களில் கணினியில் ஏற்பட்ட பழுது காரணமாக 41 பேர் செல்போன் மூலமாக அந்த தேர்வு எழுதியதாக கூறப்படுகிறது.மேலும் இந்த தேர்வில் தேர்ச்சி பெறாதவர்கள் சார்பில் இதுகுறித்து வழக்கு தொடரப்பட்டதால் தேர்ச்சி பெற்றவர்களுக்கு பணி நியமனம் வழங்க முடியாத நிலை ஏற்பட்டது.

இந்தநிலையில்,வழக்கு விசாரணைக்கு வந்த போது அந்த கணினியில் ஏற்பட்ட பழுது காரணமாக குறிப்பிட்ட தேர்வு அறையில் தேர்வு எழுதியவர்களுக்கு மறு தேர்வு வைக்கவும்,மற்றவர்களுக்கு பணி நியமனம் வழங்குவதில் தடை இல்லை என்றும் நீதிமன்றம் தீர்ப்பளித்தது.இதையடுத்து இன்று காலை 50 க்கும் மேற்பட்ட பட்டதாரி ஆசிரியர்கள் கோபியில் பள்ளி கல்வித்துறை அமைச்சர் செங்கோட்டையனை சந்தித்து கோரிக்கை வைத்தனர்.

Read more – அமெரிக்காவில் மார்டனா தடுப்பூசி திட்டம் : அதிபர் டிரம்ப் ஒப்புதல்

அப்பொழுது அமைச்சர் செங்கோட்டையன் முதல்வருடன் கலந்து பேசி ஓரிரு நாளில் பணி நியமன ஆணை வழங்க நடவடிக்கை எடுக்கப்படும் என்று தெரிவித்தார்.இதனைதொடர்ந்து பட்டதாரி ஆசிரியர்கள் அமைச்சர் செங்கோட்டையன் மற்றும் முதல்வர் எடப்பாடி பழனிசாமிக்கு நன்றி தெரிவித்தனர்.