ரெட்மி நோட் 10, 10 ப்ரோ விரைவில் இந்தியாவில் அறிமுகம் : விலை & அம்சங்கள்…!

ரெட்மி நோட் 10, 10 ப்ரோ விரைவில் இந்தியாவில் அறிமுகமாகவுள்ள நிலையில் விலை & அம்சங்கள் தகவல் வெளிவந்துள்ளது.

சியோமி நிறுவனத்தின் ரெட்மி நோட் 10 மற்றும் நோட் 10 ப்ரோ ஸ்மார்ட்போன்களின் இந்திய அறிமுகம் கூடிய விரைவில் நடக்கும் 2021 ஆம் ஆண்டு பிப்ரவரியில் அறிமுகம் செய்யப்படலாம். ரெட்மி நோட் 10 ப்ரோவுக்குப் பிறகு, ரெட்மி நோட் 10 ஸ்மார்ட்போன் பிஐஎஸ் சான்றிதழைப் பெற்றுள்ள நிலையில், இரண்டு ஸ்மார்ட்போன்களை கூடிய விரைவில் இந்திய சந்தைக்குள் நுழையும் என்று எதிர்பார்க்கப்படுகிறது.

டிப்ஸ்டர் ஆன அபிஷேக் யாதவும் அவர் பங்கிற்கு சில தகவல்களை வெளியிட்டுள்ளார். அனைத்து தகவல்களின் படி, ரெட்மி நோட் 10 ஸ்மார்ட்போன் மூன்று ஸ்டோரேஜ் விருப்பங்களில் வரும் என்றும், அது 6 ஜிபி ரேம் + 64 ஜிபி, 6 ஜிபி ரேம் + 128 ஜிபி, மற்றும் 8 ஜிபி ரேம் + 128 ஜிபி மாடல்கள், ரெட்மி நோட் 10 ப்ரோ ஸ்மார்ட்போனை பொறுத்தவரை, அது குவால்காம் ஸ்னாப்டிராகன் 732 ஜி SoC ப்ராசஸர் கொண்டு இயக்கப்படும். மேலும் இதில் 5,050 எம்ஏஎச் பேட்டரி பேக் செய்யப்படலாம்.

கேமராக்களை பொறுத்தவரை இது குவாட் ரியர் கேமரா 64 மெகாபிக்சல் மெயின் கேமரா இடம்பெறலாம் என்றும் எதிர்பார்க்கப்படுகிறது. சியோமி ஸ்மார்ட்போனின் கேமரா அமைப்பில், அல்ட்ரா-வைட் சென்சார், மேக்ரோ கேமரா மற்றும் டெப்த் சென்சார் ஆகியவைகளும் இருக்க வாய்ப்புள்ளது. ரெட்மி நோட் 10 ப்ரோவின் இந்திய மாறுபாடு என்எப்சியை ஆதரிக்காது மற்றும் அதன் குறியீட்டு பெயர் ‘ஸ்வீடின்’ ஆகும்.

ரெட்மி நோட் 10 ஸ்மார்ட்போன் ஆனது இந்தியாவில் ரூ.13,000 அல்லது ரூ15,000 என்கிற பட்ஜெட்டில் தொடங்கும் பட்சத்தில் ரெட்மி நோட் 10 ப்ரோ மாடலானது ரூ.17,000 அல்லது ரூ.20,000 க்கு அறிமுகம் செய்யப்படலாம். இந்தியாவில் ரெட்மி நோட் 10 ப்ரோ மாடலானது ரூ.16,999 அல்லது ரூ.17,999 க்கு அறிமுகம் செய்யப்படலாம். ரெட்மி நோட் 10 தொடர் ஸ்மார்ட்போன்கள் ஆனது அமேசான் இந்தியாவுடன் பிணைப்பைக் கொண்டுள்ளதால் இது பிளிப்கார்ட் வழியாக வாங்க கிடைக்குமா என்பதை உறுதிப்படுத்த முடியாத நிலையில் உள்ளது.