ரயில் புறப்படும் நேரத்தில் மாற்றம்

ரயில்பாதை பராமரிப்பு பணிகள் காரணமாக ரயில்கள் புறப்படும் நேரத்தில் மாற்றம் செய்யப்பட்டுள்ளது.

சிவகங்கை – மேல கொன்னகுளம், திருப்பாச்சேத்தி – மானாமதுரை & குடியூர் – பரமக்குடி ரயில் நிலையங்கள் இடையே ஆகஸ்டு மாதத்தில் பராமரிப்பு பணிகள் நடைபெறுகிறது.

இதன் காரணமாக, ராமேஸ்வரம் – மதுரை மார்க்கத்தில் செல்லும் முன்பதிவில்லாத சிறப்பு ரயில் (06652) ஆகஸ்டு 1 முதல் ஆகஸ்டு 31 வரை வியாழக்கிழமை தவிர, ராமேஸ்வரத்தில் காலை 11:00 மணிக்கு புறப்படுவதற்கு பதிலாக மதியம் 1:30 மணிக்கு (150 நிமிடங்கள் தாமதமாக) புறப்படும். மதுரை – ராமேஸ்வரம் மார்க்கமாக செல்லும் சிறப்பு ரயில் (06653) மதியம் 12:30 மணிக்கு புறப்படுவதற்கு பதிலாக மதியம் 1:10 மணிக்கு (40 நிமிடங்கள் தாமதமாக) புறப்படும்.

திருச்சி – மானாமதுரை, மானாமதுரை – திருச்சி மார்க்கத்தில் செல்லும் முன் பதிவு இல்லாத சிறப்பு ரயில்கள் (06829/06830) ஆகஸ்டு 1 முதல் ஆகஸ்டு 4 வரை சிவகங்கை மானாமதுரை ரயில் நிலையங்கள் இடையே பகுதியாக ரத்து செய்யப்படும்.

திண்டுக்கல் – அம்பாத்துறை ரயில் நிலையங்களுக்கு இடையே நடைபெறும் பராமரிப்பு பணி காரணமாக ஆகஸ்டு 1 முதல் ஆகஸ்டு 31 வரை செவ்வாய், வெள்ளி,சனிக்கிழமைகளில் கோயம்புத்தூர் – நாகர்கோவில் பகல் நேர விரைவு ரயில் (16322) 90 நிமிடங்கள் காலதாமதமாக இயக்கப்படும். சென்னை – குருவாயூர் விரைவு ரயில் (16127) மதுரை கோட்டப் பகுதியில் செவ்வாய் மற்றும் சனிக்கிழமைகளில் 70 நிமிடங்கள் காலத்தாமதமாகவும், வெள்ளிக்கிழமைகளில் 95 நிமிடங்கள் காலதாமதமாகவும் புறப்படும்.