ஹேக் செய்யப்பட்ட 50 ஆயிரம் சிசிடிவி கேமராக்கள்.. பதிவேற்றப்பட்ட 4000 ஆபாச வீடியோக்கள்

சுமார் 50 ஆயிரம் வீடுகளில் சிசிடிவி கேமிராக்கள் ஹேக் செய்யப்பட்டு, 4 ஆயிரம் வீடியோக்கள் ஆபாச இணையதளங்களில் பதிவேற்றபட்ட சம்பவம் அதிர்ச்சியை ஏற்படுத்தியுள்ளது.

பாதுகாப்பு கருதி பயன்படுத்தப்படும் பல தொழில்நுட்ப சாதனங்கள், பயனாளர்களுக்கே பல சமயங்களில் ஆபத்தாக முடிந்து விடுகிறது. அந்த, வகையில் செல்போன் மற்றும் லேப்டாப்பில் உள்ள கேமராக்கள் மட்டுமின்றி, சிசிடிவி கேமராக்களை தனிமனித அந்தரங்கங்களை கேள்விக்குறி ஆக்கியுள்ளது.

அந்தவகையில், சிங்கப்பூரில் 50 ஆயிரம் வீடுகளில் சிசிடிவி கேமிராக்களை ஹேக் செய்து வீடியோக்களை ஆபாச இணையத்தில் பதிவேற்றியிருப்பது பெரும் அதிர்ச்சியை ஏற்படுத்தியுள்ளது. அவற்றில், பாலுட்டும் தாய்மார்கள் முதல் குழந்தைகள் வரை அனைத்து தரப்பு வயத்தினரின் வீடியோகளும் இடம்பெற்றுள்ளன.

அதில், பெரும்பாலோனோர் ஆடைகளற்றும், அல்லது மேலாடைகளோடு மட்டுமே இருக்கின்றனர். குளியலறை, கழிப்பறை, படுக்கை அறை உள்ளிட்ட வீட்டின் பல இடங்களில் அவர்கள் இருப்பது போன்ற காட்சிகள் தெளிவாக இடம்பெற்று உள்ளனர்.

பாதுகாப்பிற்காக அல்லது குழந்தைகள், முதியவர்கள், வீட்டுப் பணியாளர்கள் மற்றும் செல்லப்பிராணிகளை தொலைவிலிருந்து கண்காணிக்கும் நோக்கில் நிறுவப்பட்டுள்ள பொதுவான இணைய நெறிமுறை (ஐபி) கேமராக்களிலிருந்து இந்த காட்சிகள் திருடப்பட்டுள்ளன.

இதுதொடர்பான சைபர் கிரைம் விசாரணையில், ஐபி கேமராக்களை ஹேக்கிங் செய்ய ஒரு குழு ஒன்று இதன் பின்னால் இருந்தது தெளிவாகத் தெரிகிறது. சமூக செய்தி தளமான டிஸ்கார்டில் காணக்கூடிய இந்த குழுவில் உலகம் முழுவதும் கிட்டத்தட்ட 1,000 உறுப்பினர்கள் உள்ளனர்.

சனிக்கிழமை நிலவரப்படி, டிஸ்கார்ட் அரட்டையின் 70 க்கும் மேற்பட்ட உறுப்பினர்கள் 3TB க்கும் மேற்பட்ட கிளிப்களைப் பகிர்ந்து கொண்டதாகக் கூறுகின்றனர், இதற்காக அவர்கள் ஒரு முறை தவனையாக 150 அமெரிக்க டாலர்களை சந்தாவை செலுத்தியுள்ளனர்.

தாய்லாந்து, தென் கொரியா, கனடா உள்ளிட்ட பல்வேறு நாடுகளை சேர்ந்தவர்களின் வீடுகளின் காமிராவிலிருந்து இந்த காட்சிகள் திருடப்பட்டுள்ளன. ஹேக் செய்யப்பட்ட காட்சிகளிலிருந்து சுமார் 4,000 வீடியோக்களும் படங்களும் அடங்கிய 700MB “மாதிரி” இலவசமாக வழங்கப்படுகிறது.

பயிற்சிகள் மற்றும் தனிப்பயனாக்கப்பட்ட அமர்வுகள் மூலம் ஹேக் செய்யப்பட்ட கேமராக்களை ஆராய்வது, நேரலையில் பார்ப்பது மற்றும் பதிவு செய்வது எப்படி என விஐபி உறுப்பினர்களுக்கு கற்பிக்கப்படுவதாக கூறப்படுகிறது.

இவ்வாறான குற்றங்களுக்கு காரணம் மோசமான கடவுச்சொல்தான் என்றும், இதுபோன்ற கேமராக்களை கொண்டிருப்பவர்கள் தங்கள் மென்பொருள் புதுப்பித்த நிலையில் இருப்பதை உறுதி செய்ய வேண்டும் என்றும் தொழில்நுட்ப வல்லுநர்கள் அறிவுறுத்துகின்றனர்.