No products in the cart.
பிரபல காமெடி நடிகர் மரணம் – சோகத்தில் ரசிகர்கள்
தெலுங்கு படங்களில் காமெடி வேடங்களில் நடித்து ரசிகர்களிடையே பிரபலமானவர் நடிகர் அல்லு ரமேஷ். கடந்த 2001 ஆம் ஆண்டு வெளியான சிருஜல்லு படத்தின் மூலம் அறிமுகமான அவர் தொலு பொம்மலதா, மதுரை வைன்ஸ், வீதி உள்ளிட்ட படங்களில் நடித்திருக்கிறார்.
இந்த நிலையில் விசாகப்பட்டினத்தில் உள்ள தனது இல்லத்தில் இருந்தபோது அல்லு ரமேஷுக்கு மாரடைப்பு ஏற்பட்டு உயிரிழந்தார். அவருக்கு வயது 52. அவரது மறைவு ரசிகர்களிடையே பெரும் சோகத்தை ஏற்படுத்தியிருக்கிறது. அவருக்கு மனைவியும் இரண்டு மகன்களும் இருக்கின்றனர். இவரது மறைவிற்கு தெலுக்கு திரையுலகினர் இரங்கல் தெரிவித்து வருகின்றனர்.
அல்லு ரமேஷ் மறைவு குறித்து தெலுங்கு இயக்குநர் ஆனந்த் ரவி தனது ட்விட்டர் பக்கத்தில், “ஆரம்பத்தில் இருந்து எனக்கு ஆதரவாக இருந்திருக்கிறீர்கள். உங்கள் குரல் எனக்கு இன்னும் கேட்டுக்கொண்டே இருக்கிறது. உங்கள் மறைவை ஏற்க முடியவில்லை ரமேஷ். என்னைப் போல நிறைய இதயங்களை கவர்ந்திருக்கிறீர்கள்” என்று பதிவிட்டுள்ளார்.
